去年11月宣布懷有第三胎的名模Cara G.，預產期為今年五月，她坦承第三胎並不在夫妻計劃之內，因此發現懷孕那一刻，感到十分驚訝，她笑言：「呢胎係個好大嘅驚喜，絕對唔係我哋預計之內，尤其老公知道之後，差啲心臟病發。」眾所周知，在香港養兒育女開支龐大，三度當媽的Cara坦言面臨沉重的經濟負擔：「有兩個小朋友嗰時已經好有壓力！由於我同老公依家都係自由職業，佢係攝影師，我係Model，我哋每個月嘅收入都唔太穩定，所以都幾大壓力。其實喺香港生三個小朋友，真係好瘋狂！」
執二攤唔買玩具
Cara曾經歷至少兩個月沒有收入，只靠老公掙錢和她的積蓄維持生活開支，而第三胎的來臨令她壓力百上加斤。她透露現在習慣將每月一半的收入儲起，為三個小孩的將來生活積穀防飢，甚至寧願慳自己也要留最好給他們，實行三招慳錢大法，包括不買化妝和護膚品、向身邊的朋友承接小孩用品，以及讓小孩多親近大自然，以代替購買玩具，盡量減低開支。
報津貼小學
至於讀書方面，Cara自認無法送兩個女兒入讀私立小學，並直呼「冇可能」，只因學費實在難以負擔，故她打算為分別三歲和四歲的女兒報讀政府及津貼小學，讓她們多學習廣東話，她說：「我唔覺得會變成怪獸家長，小朋友喺呢個年紀，學習唔係最重要，我想佢哋盡情享受童年。佢哋依家開始返學，一日返三個小時，不過主要因為我要出去工作賺錢。如果我冇金錢上嘅煩惱，唔使工作嘅話，都會留佢哋喺屋企玩。」雖然Cara受到種種外來壓力，但她表示暫不打算搬離香港：「無論將來搬去邊都好，香港係我第二個家，我一生人絕大部分時間都喺香港度過。」
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|
