掃呢頁CODE去手機

2019年1月15日 星期二

英超Fever:蘇B為坐正除瘀血 曼聯中場勢被賣走 __,曼聯,

(GettyImages)蘇斯克查成為近期大紅人,一代替摩連奴任曼聯領隊,就為球隊帶來六連勝,今輪作客砌低熱刺更非常精彩,保羅普巴同連格都話目前球隊內 ...


(Getty Images)


蘇斯克查成為近期大紅人,一代替摩連奴任曼聯領隊,就為球隊帶來六連勝,今輪作客砌低熱刺更非常精彩,保羅普巴同連格都話目前球隊內部氣氛極佳,迪基亞仲話真正嘅紅魔鬼已經回來,球迷亦非常希望蘇B唔只做看守領隊,下季可以坐正正式統領曼聯。

英國體育電台talkSPORT主持人Jim White爆料,話蘇斯克查已經準備好做紅魔正式領隊,雖然早被告之5月底將要離任,但佢積極爭取表現,全心全意為曼聯注入費格遜時代嘅勁旅精神。

第一,要求球員,比賽前後都要着上整齊西裝,以加深球員代表球隊嘅榮譽感,第二,佢邀得費格遜出山輔助,有報道指後者參與好多領隊工作,當中包括提供操練方法及參與揀選正選陣容。第三,蘇B亦為球隊全力營造上佳更衣室氣氛,為長留球隊作好準備。

最後,Jim White表示,蘇斯克查準備於一月清除陣中瘀血,賣走比利時中場費蘭尼。於蘇斯克查上任後,費蘭尼並未得到新帥信任,操練時態度極有問題,所以蘇B已決心將佢革扯,另外麥湯米尼亦有機會被放棄。

支持本地運動員,一齊去「睇體」!

https://bit.ly/2DxX4XI 

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!