掃呢頁CODE去手機

2019年1月26日 星期六

【High Tea濕平歎下世界先啦】有錢有樣有身材 35歲李彩華唔愁無人要 __,李彩華,

李彩華上年年初甩拖,至今仍未有新戀情消息傳出,不過35歲嘅佢真係唔憂嫁唔出,話晒個樣keep得住,身材仲正過唔少後生女,更重要係小富婆一名,內地密密賺 ...




李彩華上年年初甩拖,至今仍未有新戀情消息傳出,不過35歲嘅佢真係唔憂嫁唔出,話晒個樣keep得住,身材仲正過唔少後生女,更重要係小富婆一名,內地密密賺,得閒就返港歎世界不知幾梳乎。

經歷過王傲山出軌偷食,潘啟翀孭巨債要女友幫手還,兩度遇人不淑嘅李彩華明白靠自己最穩陣,所以喺內地有「賺」無類,廣告、商演、登台、拍戲咩都撈,搵搵埋埋就買磚頭,估計佢中外物業價值億億聲㗎!搵到錢又靚女,更有個拍拖3年嘅何遠恆,點都估唔到最後都係分手收場。

回復單身,李彩華唔急搵第二春,繼續工作搵錢為上,早前更為內地5億鉅製劇集進行拍攝。出國拍外景浸溫泉時,有傳同劇男演員爭住做攝影師幫佢影相,而三點式示人嘅李彩華亦不吝惜大方任影。

難怪唔心急啦,單身貴族自然多人垂涎,享受多一排自由生活,得閒就shopping High Tea先啦,睇定啲都唔遲。

BTW,喺大陸登台要土豪打扮,明喎!但返到香港頂帽有貓耳再紮孖辮,就真係唔太理解喇。可能係長駐內地關係耳濡目染啩,咁使唔使整返首《學貓叫》?


鍾意就快D Share啦!