掃呢頁CODE去手機

2019年1月30日 星期三

【家族有混血史?細佬似禾確特】大肚陳凱琳瘦到leggings都鬆 預產期前飲凍珍奶 __,陳凱琳,

就算cap帽口罩包到冚,但一樣認得出你啦陳凱琳!佗住籮咁大個肚,不過啲手手腳腳仲好瘦,fit到連leggings都可以起摺,再加埋一對十足外國人嘅深邃 ...




就算cap帽口罩包到冚,但一樣認得出你啦陳凱琳!佗住籮咁大個肚,不過啲手手腳腳仲好瘦,fit到連leggings都可以起摺,再加埋一對十足外國人嘅深邃大眼睛,除咗你無第2個㗎喇!雖然Grace一直唔肯透露懷孕幾多個月,但據傳預產期係今年3月,以懷胎十月計,個肚應該9個月左右,咁又唔算好大喎。

呢日Grace一個人四圍行,又拎住部電話邊行邊撳,連過馬路都頭耷耷,政府新聞處都有教啦:「馬路唔係睇訊息嘅地方。」後果可以好嚴重㗎!

大肚婆需要戒口,特別係避免進食生冷嘢,不過Grace就入咗一間台式飲品店,嗌咗杯珍珠奶茶,睇佢純熟嘅搖杯技巧,斷估都好少戒口,不時飲凍飲。其實距離預產期只係一個月左右,穩陣啲忍埋佢啦,無謂要屋企人擔心吖嘛。

講開屋企人,早前Grace搞Baby Shower同細佬合照,令唔少網民驚訝細佬睇落越來越似混血兒,仲話有啲似英超球員禾確特,然後紛紛討論佢哋家族係咪有過混血史。其實兩姊弟細細個已經似混血樣,難怪網民會好奇,又的確耐人尋味。


鍾意就快D Share啦!