掃呢頁CODE去手機

2019年1月1日 星期二

【除夕倒數派對】擕甘比現身許家印Party 大劉成為全場最受歡迎嘉賓 __,劉鑾雄,大劉,甘比,許家印,

每年大劉都會携伴出席倒數派對
近年嚟富豪劉鑾雄好低調,極少出現公開場合,但每年嘅12月31除夕夜,佢都會携伴出席倒數派對,上年佢同甘比去咗林建岳開嘅Party,今年佢就同甘比去咗恆 ...


近年嚟富豪劉鑾雄好低調,極少出現公開場合,但每年嘅12月31除夕夜,佢都會携伴出席倒數派對,上年佢同甘比去咗林建岳開嘅Party,今年佢就同甘比去咗恆大地產老闆許家印嘅倒數派對,同場仲有馬雲、張松橋等,聽在場嘉賓講,噚晚大劉精神唔錯,更難得係佢冇再着住套睡衣出席Party,着住套老西同老婆仔女一齊倒數迎接2019年。



大劉老婆甘比喺會場就好忙,除咗要睇住3個仔女,又要同朋友打招呼,而大劉就更加受歡迎,因平時少出嚟,好多做生意嘅人都當佢係偶像,咁難得見到佢,梗係趁機走埋去,自我介紹或要求影合照,睇唔出全晚最受歡迎唔係啲性感女郎或主人家,而係財技玩到出神入化嘅大劉。不過成晚都係見許家印同張松橋傍實大劉,佢哋坐埋同一枱,真係傾到雞啄唔斷,聽講佢哋3個成日鬥地主,真係好老友。



精選娛聞,喺晒《娛果》

http://fb.com/appledailyent



大劉尋晚同老婆甘比帶埋外母、仔女一齊出席除夕派對。 大劉尋晚同老婆甘比帶埋外母、仔女一齊出席除夕派對。
在宴會不時有人要搵大劉影相,甘比都要企喺老公旁邊睇住。

在宴會不時有人要搵大劉影相,甘比都要企喺老公旁邊睇住。
張松橋伉儷(左一)、大劉兩公婆、馬雲同許家印李底下感情相當不錯。

張松橋伉儷(左一)、大劉兩公婆、馬雲同許家印李底下感情相當不錯。
許家印好感激大劉一直喺背後撐佢。

許家印好感激大劉一直喺背後撐佢。
大細劉夫婦噚晚一齊嚟撐許家印倒數Party,認真夠俾面許生。

大細劉夫婦噚晚一齊嚟撐許家印倒數Party,認真夠俾面許生。

鍾意就快D Share啦!