掃呢頁CODE去手機

2019年1月13日 星期日

【夠細心】同密友Willy外遊返港 關菊英全程獲照顧 __,關菊英,

關菊英與同性密友Willy外遊。(讀者圖片)
60歲嘅關菊英,與同性密友周偉利(Willy)相處咗十幾年。菊姐自去年3月演出完舞台劇《秘密》後,冇再做幕前,過住半退休嘅生活,閒時做下gym,養尊處 ...


60歲嘅關菊英,與同性密友周偉利(Willy)相處咗十幾年。菊姐自去年3月演出完舞台劇《秘密》後,冇再做幕前,過住半退休嘅生活,閒時做下gym,養尊處優。



經常同Willy孖公仔嘅菊姐,早前趁假期去咗日本度假。《蘋果》讀者張小姐,於除夕當晚,喺大阪機場遇到正要坐飛機返港嘅菊姐同Willy,佢哋各自拉住個小型嘅行李篋,唔知係咪有啲唔舒服,菊姐戴住口罩,而且顯得有啲疲倦。



張小姐大讚Willy好照顧菊姐,張小姐話︰「佢好細心,又叫菊姐坐底,又照顧佢,行李仲由佢一個人拎埋。」



其實菊姐同已故公仔麵大王周文軒侄女周偉利(Willy),交往超過十年,兩人感情一直好好。幾年前菊姐曾首度公開談與同性密友Willy嘅關係,話唔想行出街偷偷摸摸,菊姐當時大方認愛,只因︰「我只係追求一個伴,並冇傷害任何人,所以我選擇坦白,豁出去。」幾年前曾傳出菊姐同Willy去英國秘婚,事後菊姐否認。



精選娛聞,喺晒《娛果》

http://fb.com/appledailyent



關菊英與同性密友Willy外遊。(讀者圖片)  菊姐戴住口罩,同Willy喺大阪機場等上機返港。(讀者圖片) 菊姐戴住口罩,同Willy喺大阪機場等上機返港。(讀者圖片)
Willy對菊姐照顧周到。(讀者圖片)

Willy對菊姐照顧周到。(讀者圖片)
 菊姐同Willy相處十幾年,感情要好。(資料圖片)

菊姐同Willy相處十幾年,感情要好。(資料圖片)
 去年3月,菊姐同一班舊拍檔演舞台劇《秘密》。(資料圖片)

去年3月,菊姐同一班舊拍檔演舞台劇《秘密》。(資料圖片)
 近年菊姐好少公開唱歌,呢次喺雲頂開演唱會,已經係5年前。(資料圖片)

近年菊姐好少公開唱歌,呢次喺雲頂開演唱會,已經係5年前。(資料圖片)

鍾意就快D Share啦!