2019年2月17日 星期日

恨添丁推劇 44歲郭羨妮黐實老公追仔 __,郭羨妮,

郭羨妮
恨添丁推劇44歲郭羨妮黐實老公追仔自從15年在無綫拍告別劇《無雙譜》後,郭羨妮(Sonjia)近四年推劇又減產,都係為咗頭家,專心湊好6歲囡囡Kyli ...


恨添丁推劇 44歲郭羨妮黐實老公追仔



自從15年在無綫拍告別劇《無雙譜》後,郭羨妮(Sonjia)近四年推劇又減產,都係為咗頭家,專心湊好6歲囡囡 Kylie及想為國產導演老公朱少杰追多個仔。可惜努力多年未有聲氣。據悉44歲郭羨妮依然未放棄追仔心願,而老公朱少杰又係標準愛妻號,臨近年關提早收爐回港陪老婆囡囡過年辦年貨,郭羨妮順手大舉入貨女性保健品,keep住凍齡又强身健體,趁住呢個新年假兩公婆又再努力過!

撰文:東方新地 │圖片:新傳媒圖片、郭羨妮IG、郭羨妮微博





44歲郭羨妮 恨添丁推劇

當黃澤鋒52歲太太都報來陀B喜訊時,仲唔係世事無絕對、凡事皆有可能最佳例證?更何況後生八年、保養得宜fit過做女時的郭羨妮?11年與內地導演朱少杰結婚、婚後誕下囡囡Kylie,郭羨妮一直不 諱言有心追多個亦都曾成功再次懷孕,可惜14年為無綫拍攝劇集《無雙譜》時疑似操勞過度不幸流產,所以完成劇集拍攝,索性離巢兼減產,四年來主打出席活動、北上商演賺快錢為主,主要心思都放在香港,陪住囡囡長大,亦可以調理身體與老公繼續努力造人。

結婚八年恩愛如昔,日前朱少杰專程從內地趕回港陪郭羨妮和囡囡辦年貨過年,兩公婆去到邊都十指緊扣。

郭羨妮
行連鎖藥店拖實手,買完嘢去接囡囡放學,郭羨妮同朱少杰雙手又扣到實,溫馨又自然。



十指緊扣晒恩愛

繼去年暑假全家出埠、再回港過聖誕後,郭羨妮自爆今個農曆年,老公一樣會陪在身邊全家留港度歲。日前兩公婆就齊齊送Kylie學跳舞,囡囡上堂時,兩公婆乘機拍吓拖又辦吓年貨。結婚八年,最鍾意叫另一半「老朱」,一早形同老夫老妻。

郭羨妮

身為電視劇導演,一開劇閒閒地幾個月滯留內地,不過朱少杰工作以外始終擺老婆同個女喺第一位,大時大節放暑假都飛返香港陪郭羨妮兩母女。
郭羨妮

生活工作比起當年在電視台悠閒自由得多,郭羨妮日前出席商場新年活動時容光煥發索過做女嗰陣,亦都自爆一家三口會留港度歲。




不過剩番兩公婆時,郭羨妮同朱少杰一樣甜蜜蜜,在區內商場十指緊扣周圍逛,在零食店入年貨時有商有量、老婆行藥店買保健產品,朱少杰就識做自備環保袋負責出錢又出力。校啱時間Kylie就快落堂,廿四孝媽媽買定囡囡最愛珍珠奶茶等放學,然後一家三口齊齊返歸。雖然追仔努力多年都未有聲氣,不過老公體貼又黐家、6歲Kylie省鏡又乖女,生唔生多個都好,郭羨妮生活已經夠晒圓滿!
郭羨妮

囡囡上堂,兩公婆就先去零食店辦年貨。買嘢入貨當然係老 婆話事,朱少杰就拎住膠籃緊隨郭羨妮負責搬運及找數。
郭羨妮

入完貨放埋入自備環保袋,時間 啱啱好,郭羨妮買定囡囡最愛珍 珠奶茶再行去跳舞學校接放學。


郭羨妮

6歲囡囡Kylie愈大愈靚女,難得同時有爸爸媽媽湊放學,興奮到在學校門外跳跳紮。
郭羨妮

接埋個女一家三口齊往停車場攞車回家,素顏郭羨妮身形瘦削仲fit過當年選港 姐時,想追仔就要努力食肥自己先喇!


凍齡有因

去年夏天一家三口齊齊出埠過暑假及慶祝結婚七周年紀念,心情靚爆郭羨妮極少發放比堅尼全身照,雖然得個背部,一樣睇得出玲瓏浮凸索到爆。

郭羨妮

點解44歲做埋媽媽一樣咁靚?郭羨妮行連鎖藥 店大部分時間都係流連保健藥品櫃,最後亦買了多樽女性專用維他命丸。


99年香港小姐冠軍郭羨妮近年專注北上發展,鮮有喺香港露面,不過佢喺2016年就現身有線節目《星級會客室》,接受主持人汪漫玲專訪。Sonjia除分享入行16年的辛酸,更大談感情生活,並為外間女尊男卑的傳聞解畫;同時佢已走出小產陰霾,依家同老公努力造人,希望追多個仔!



Sonjia其實自小期待結婚組織家庭,但就一度放棄夢想︰「我收工就返屋企,好難搵到另一半,而且好男人唔多,所以疊埋心水工作。」但與武術導演朱少傑邂逅後,先令佢重拾對愛情的憧憬,所以幾個月後即閃婚!



另外Sonjia又為老公平反,因為外間不時指老公收入少,要靠老婆養起成頭家。Sonjia大讚老公為人老實︰「其實佢不停拍戲做導演,只係比較低調,仲試過讓出總導演名銜俾人。所以好多人唔知道他做過咩,我會多啲提點他。」

 



Sonjia於2012年生咗寶貝女Kylie,女兒細細個已經遺傳了父母的表演因子,Sonjia亦希望追第二胎為女兒添個伴。但就不幸於2013年小產,佢憶述︰「當時拍緊劇,騎馬、落水、吊威吔樣樣齊,到有日去睇醫生,佢話BB已冇咗心跳,要做手術引流,好似發咗場夢咁。」不過Sonjia早已走出陰霾,現時同老公努力造人中,希望可以在身體許可下追番個仔!



Sonjia真係夠晒老實,提到當年入行經過,佢就大方承認自己真係靠靚樣,因為初時根本完全唔識演戲,仲笑說唔敢睇番自己拍的第一套劇。近年專注北上發展的Sonjia,就話兩地拍劇模式大不同︰「香港工作時間好長,我試過幾日冇瞓,完全唔知自己講咩對白。我經常因為唔夠休息而嘔,真正係攰到嘔!」



睇番資料,Sonjia拍的第一部電視劇係同古仔合作的《尋秦記》,雖然佢就話自己演技差到唔敢睇,不過其實呢套劇至今依然係TVB經典之一,不知幾多觀眾翻睇又翻睇!Sonjia得閒都睇吓



郭羨妮囡囡 幫媽咪療傷

郭羨妮為咗照顧6歲嘅囡囡Kylie,近年減少喺幕前演出,偶爾才拍劇過戲癮,不過去年Sonija拍戲唔小心整親,但囡囡Kylie好細心咁為媽咪療傷,做媽媽當然甜在心,Sonija說:「拍戲時有撞傷碰瘀,雖然痛入心,但回家後有人為我療傷,心仍是暖和甜的。」



選美出身的郭羨妮擁有四分之一的英國血統,五官精緻漂亮,經典作品有《翻雲覆雨》、《洛神》、《尋秦計》、《爭霸》等等。

《翻雲覆雨》

《翻雲覆雨》


郭羨妮擁有非常古典的氣質和五官,所以古裝非常適合她,清麗脫俗有溫婉動人,說是古代穿越過來都有人信,難怪傾國傾城的西施和琴清由她飾演都完全無違和感。

《牛郎織女》

《爭霸》西施


《爭霸》西施

《爭霸》西施


郭羨妮就算在其他古裝劇中的造型都非常漂亮有氣質。



延伸閱讀:

盤點年過40生B的女星

其實唔止郭羨妮想追多個小朋友,女星梁詠琪(Gigi)都想追多個!Gigi喺2011年同西班牙藉老公結婚,15年生咗混血小甜心Sofia,其實Gigi一直都好想幫Sofia帶多個細佬或者妹妹嚟呢個世界,即使自己已經係42歲!其實香港女性普遍遲婚﹐因此生育年齡都推遲!而喺娛圈中,都有好多女星都年過40才生B,所以如果Gigi調理好身子,要懷孕應該都唔難!

原文:Sunday kiss   圖片:梁詠琪、李心潔、楊采妮、周汶錡IG,新傳媒圖片

梁詠琪

Gigi與西班牙籍老公Sergio結婚3年後,Gigi終於在2014年8月宣佈懷孕,翌年2月誕下囡囡並改名為Sofia,囡囡岀世後,Gigi經常喺IG post 佢地一家嘅幸福照。一家三口十分幸福!最近有報導指,42歲嘅Gigi早已決定要追第二胎,並在積極努力中!







View this post on Instagram






已經變小麥色了!#marbella #marbellalife

A post shared byGigi Leung梁詠琪(@gigileungwingkei) on

Gigi兩位好個閨密李心潔同楊采妮,都係40歲之後看生BB,而且咁啱都係生咗對孖仔!



李心潔

2013年老公彭順被爆出軌,李心潔最終選擇原諒老公,兩人和好如初。之後李心潔40歲時,就為老公誕下一對可愛孖仔。

哥哥叫彭濟雲,弟弟則叫彭子然,李心潔喺孖仔滿月嗰陣,PO出一張BB正面相,一對孖仔連瞓覺都識笑,超可愛!



楊采妮

楊采妮2013年同做律師嘅邱韶智拉埋天窗,努力咗3年,終於喺2017年宣布懷孕,同年以42歲之齡生咗對孖仔。



一對孖仔出世後 ,楊采妮喺社交平台留言:「親愛的小寶貝們,謝謝你們,到我們的生命裏來,讓我們對愛多了另一種新體悟。爸爸媽媽一直是懷著感恩的心來迎接你們,我們承諾會用心愛著你們,亦希望你們能在充滿愛和感恩之下,健康平安地成長,擁有自己幸福的人生。」



周汶錡

Kathy今年43歲,2015年7月生咗大仔Jacques ,細仔Avner就喺舊年3月20日出世。

Kathy話第二次懷孕,身體有冇比之前辛苦,佢就話基本上同上一胎一樣,完全唔辛苦,冇嘔又冇好容易就攰,胃口亦都冇變,Kathy解釋指可能因為自己的體質問題,所以身邊的朋友都話佢唔似大肚,整個過程就好似正常生活但個肚大咗。



謝安琪

阿Kay 當年未婚懷孕,07年大仔張瞻出世,相隔10年,40歲嘅阿Kay就再生咗囡囡張靖。

Kay揚言要做全職奶媽,實行無了期停工湊女:「希望可以餵足一年母乳!真係擺低工作,以家庭為先,囡囡都係得幾個月,雖然囝囝10歲,但都係要傾偈嘅階段,只要睇住小朋友開心就乜都值得!」







View this post on Instagram






Beautiful day ❤️

A post shared by張繼聰 Louis(@louischeung2013) on



李嘉欣

李嘉欣於2011年為富二代許晉亨生咗囝囝Jayden,懷孕時風采依舊,絲毫不見浮腫。大美人當時都係41歲。

話咁快Jayden已7歲喇!而家喺新小拔讀緊二年班。



朱茵

2012年4月,41歲嘅朱茵突然上載一張與阿Paul的赤裸相擁黑白合照,公佈懷孕的消息。

囡囡叉燒包於12年10月出世,為作紀念,朱茵執筆推出新著作《6磅10安士》,寫下整個懷孕歷程。她於書中寫到自己很喜歡小朋友,小時候已很想當母親,可惜因身體狀況不好,更自爆婦科醫生曾告知只有一成機會懷孕,要有小朋友是一件很難的事。奇蹟懷孕誕下女兒,對朱茵及黃貫中來說,都不是一件容易的事。



吳君如

41 歲

2006年,41歲嘅吳君如生咗囡囡陳是知,據講當時君如大住個肚,依然晚晚返電台開咪做節目。



吳君如在圈內出晒名的愛女,同時亦管教得好嚴!有報導指囡囡陳是知每年花過百萬學費栽培囡囡,單係playgroup已經年年十萬,仲有報大量琴棋書畫的興趣班,囡囡考入南區私立貴族學校的弘立書院。而在家也營造出一個獨特語境,平時用英文及泰文同囡囡溝通,所以年紀小小已一口流利英文。







View this post on Instagram






Sweet picnic 🍬🍪🍓🍰🍩

A post shared by吳君如(@sandrangky) on



劉若英

由結婚到生仔都超低調,45歲就生咗第一胎,當時劉若英仲話想生多個,因為怕囝囝一個人會覺得孤單,所以想多個等佢有個伴。



林青霞

林青霞於1994年與邢李㷧結婚,正式嫁入豪門。42歲生咗大女邢愛林,47歲再生細女邢言愛。

而家兩個女分別係22歲同17歲,都已經婷婷玉立喇!










鍾意就快D Share啦!
Related Posts Plugin for WordPress, Blogger...