現年69歲的資深演員李兆基早年在電影中專演惡人，演《古惑仔》系列電影「基哥」一角，為人認識，角色深入民心。
今日《蘋果》發現李兆基於2月12日入紙註冊，與58歲女伴邱巧貞拉埋天窗，結婚沖喜，他們同住九龍城一住宅，婚姻狀況一欄圈了「離婚」，年過半百再婚，「沖」掉不好的運氣，在人生路上，繼續互相扶持。恭喜，基哥、基嫂！
《蘋果》致電基哥時，他聲音有點沙啞，問他是否入紙結婚？他反問說︰「你係邊個？」再問他是否入紙結婚想恭喜他時，他只說︰「唉！唔好講。」說罷便收線。基哥經歷過兩次中風，近年他淡出影圈，曾經向社署申請綜援但被拒絕，他去年11月患上肝癌，曾一度想放棄治療，多得親友鼓勵，最後入院做手術，成功切除肝臟腫瘤，康復進度理想，出入以枴杖支撐身體行走。
基哥好友陳慎芝今日接受《蘋果》電話訪問，他開心表示：「係呀！我安排嘅。因為政府恩恤佢，最近畀咗間一人公屋，好平好靚，我就話佢『衰仔，個女人跟咗你30年，好照顧你，都要俾番啲嘢人，唔結婚對女友好唔公平』，所以我就幫佢安排一切。」陳慎芝稱稍後將擔任證婚人，問到基哥現在健康情況？陳慎芝說：「有進展，頭腦清醒，但身體好弱。」
得知基哥結婚，「田雞」田啟文亦送上祝福：「咁開心！真係要值得恭喜，祝佢身體健康！百年好合！永結同心！」
精選娛聞，喺晒《娛果》
http://fb.com/appledailyent
第二屆最港電影大獎投票網址
https://bit.ly/thekongestfilmawards2018
10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI
|
鍾意就快D Share啦！
|
|
|
