掃呢頁CODE去手機

2019年2月4日 星期一

【老公何志平行賄案7項罪成後】胡慧中首現身 新年血拼愁眉不展頭耷耷 __,何志平,胡慧中,

胡慧中貴為太平紳士夫人,平時行街shopping梗係一副意氣風發樣啦。不過自從老公何志平行賄案被裁定7項罪成後,胡慧中就算街照行、名店照入,但以前嗰個 ...




胡慧中貴為太平紳士夫人,平時行街shopping梗係一副意氣風發樣啦。不過自從老公何志平行賄案被裁定7項罪成後,胡慧中就算街照行、名店照入,但以前嗰個開心樣已經唔見咗,變得愁眉苦臉。

胡慧中後生時同林青霞、林鳳嬌、胡因夢並稱「台灣四大美女」,喺香港亦拍過唔少為人熟知嘅電影如《福星高照》、《霸王花》等。胡慧中有樣有名氣大把人追,但最後揀咗當時係眼科醫生嘅何志平,話同男方一齊感到踏實安心。

胡慧中婚後無論生活定係身形,都越嚟越接近典型家庭主婦,亦極少現身幕前,最多都係被傳媒影到佢不時high tea、逛名店,而且總係面帶笑容,擺明係個無嘢愁嘅幸福貴婦。之但係,老公何志平爆出行賄案之後,儘管胡慧中生活依然無憂,出街照樣有傭人跟尾,但以往嘅神氣同笑容已經消失。以前鍾意淺色打扮睇落好醒目耀眼,而家都變得陰沉灰暗,真係好似有股黑氣籠罩咁。胡慧中沒精打采,上一刻先嚟到商場入名店掃貨,點知行唔夠幾分鐘就離開兼上車走人,同以往笑口噬噬血拼樣真係差天共地。以前因《歡顏》而成名嘅胡慧中,而家真係好難再現歡顏喇!


鍾意就快D Share啦!