網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年2月27日 星期三

薛芷倫:寸Ball后唔識着衫!利嘉兒被蔡一鳳隊中死穴 __,利嘉兒,蔡一鳳,薛芷倫,

「Ball后」薛芷倫(Fanny)成日出席唔同活動,每次都悉心打扮到場,好有潮流觸覺,但佢嘅衣着品味竟然被挑機!日前利嘉兒(Lily)公開評論Fann ...


「Ball后」薛芷倫(Fanny)成日出席唔同活動,每次都悉心打扮到場,好有潮流觸覺,但佢嘅衣着品味竟然被挑機!日前利嘉兒(Lily)公開評論Fanny去年12月出席活動嘅打扮,自稱係時裝精,讀過時裝設計嘅佢形容Fanny嘅衣着係「笨重過時」。Fanny當日梳起髮髻,戴上珍珠耳環,穿白色皮草,配襯一件銀色BlingBling珠片高衩背心裙,搭上厚Platform銀色高跟鞋及同色Clutch,Lily覺得佢整體打扮都好高貴,但條裙同高跟鞋就略嫌有啲過時同笨重,仲充滿六十年代嘅感覺,認為佢換對尖頭鞋會更時尚。

而Fanny見到評論後,就喺Facebook發文批評對方有眼不識潮流:「我穿上的是最新一季閃銀色晚裝系列,但是由一個對潮流全冇觸覺、有眼不識品牌的人,扮演潮流專家去批評別人,有點兒笑話吧?既然利嘉兒批評我這一身衣着打扮是『笨重過時』,不如請你親身示範一下你的高貴美麗輕盈入時Ball場打扮,大家交流一下,好喎!」網友見到都叫Fanny唔好勞氣,大讚佢打扮又靚又高貴,仲話Fanny嘅品味已經係公認神級,唔使同唔識貨嘅人計較呀!

另外,東網聯絡上Lily,佢表示:「其實由頭到尾都係讚緊佢件衫,真係好靚,只不過佢對鞋係笨拙咗少少,換轉線條簡單啲會好啲。但係時裝係好個人,你覺得呢樣嘢靚,我覺得嗰樣嘢靚。我從來冇懷疑過佢嘅潮流觸覺,佢件晚裝設計得好靚,銀色亦係今年好流行,今屆奧斯卡女星珍妮花露柏絲(Jennifer Lopez)同貝兒娜森(Brie Larson)都着咗銀色。我知佢係好有時尚觸覺嘅人,亦冇懷疑過佢『Ball后』之名。不過佢咁講,我都冇辦法。(主動聯絡解釋?)見到先算,之後都冇見到,唔知佢依家咩反應。」

而早前傳與Lily姊妹情決裂的名媛蔡一鳳(Michelle)亦在Fanny的發文下留言:「故意挑起是非嘅人係有意圖嘅,何必幫佢做宣傳,她嘅時尚潮流同你唔係一個Level!」火藥味十足!

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!