2019年2月15日 星期五

張美妮趁情人節宣布BB性別 「點解老公今次送公仔?」 __,張美妮,

張美妮
張美妮趁情人節宣布BB性別「點解老公今次送公仔?」現年38歲嘅張美妮結婚5年終於造人成功,趁住噚日係情人節,張美妮就喺Instagram上宣佈BB性別 ...


張美妮趁情人節宣布BB性別 「點解老公今次送公仔?」



現年38歲嘅張美妮結婚5年終於造人成功,趁住噚日係情人節,張美妮就喺Instagram上宣佈BB性別,原來BB係…

原文:Sundaykiss-Kayla|圖片來源:張美妮Instagram





張美妮趁情人節宣布BB性別

張美妮喺Instagram上Sweet爆留言:「Happy Valentine’s Day❤️老公知我收到粉紅色嘅花就會好開心🌸☺️love you~😘但一向好少會送公仔俾我,我問佢點解今次會送公仔?佢話係等B女出世,個熊仔可以俾佢玩吖!😆難怪啲人話囡囡係爸爸嘅小情人!😆☺️❤️」



延伸閱讀:

張美妮細說生命中的美好意外

今年38歲,距離張美妮入讀藝訓班那一 年,19歲,已經足足過了一個對。13年和經營髮型屋和餐廳的另一半KK結婚。

08年踢爆前度偷食後曾經大受打擊, 好在兩個月後即結識現任老公KK, 13年二人結婚前亦重遊求婚舊地巴黎影婚紗相。


結婚五年終於造人成功,月初張美妮 一家四口發po公布喜訊,當時對於陀 B仔定B女就表示暫時保密。



「以為結完婚順理成章就應該努力,但係心嗰句又覺得兩個人都未ready。繼續我有我工作、佢有佢忙碌,眨吓眼就拖咗四年。」,張美妮解畫為甚麼到第五年才認真造人,是因為從來沒有真的的起心肝努力過。



美妮提起特別記得是一次在canteen見到江美儀同麥包,說起正準備入廠拍劇,美儀大大聲話 過 :「呢度唔係你人生, 畀番啲時間番屋企啦……」,當頭棒喝 , 不過要開竅始終還是得靠當事人自己。



「  諗係一年前, 仲拍緊《丫鬟大聯盟》,喺張椅度仰 起個頭,突然問自己:『我喺度做咩呢?』計吓條數,做咗十幾年,一直都係做呢啲,明知搶嗰啲角色又唔會輪到我,如果結婚呢五年,時間心機擺喺屋企,會唔會值啲呢 ……」,開始想起家庭,心態一夜之間扭轉。



美妮續說:「19歲加入訓練班,舊年做咗第十八年,嗰次係我第 一次放低咗事業心,第一次有劇搵我誠心拒絕。我係鍾意做戲,呢行我做得好開心,但係條數唔係咁計,反正都係做閒角,如果淨係為興趣,生完仔返轉頭拍咪一樣…但係頭家唔同,我相信同樣時間同樣心機,擺喺屋企,得到嘅會更加多。」。



時也命也

北區長大,家有一妹,父親是餐廳東主,母親是家庭主婦,中學畢業以後二話不說就走去報13期訓練班,「自細就貪靚貪得意,覺得做明星就係做戲唱歌,日日扮到靚一靚,人人都鍾意咁簡單。」,原因非常簡單。



張美妮靚女係真,人緣好亦都真,不過一入電視台,才發覺人人都係靚仔靚女, 靚仔靚女得嚟,有背景有才藝有家底有新聞價值的對手更加多,「靚過我叻過我嘅大把,不過我又冇當人哋係威 脅。19歲,公司出住糧畀我哋返去學嘢,日日唱吓歌做吓戲,又耍吓劍 咁,成班人根本就係當入camp,日日返去玩」。

形可愛形象又討好, 年 一度更被唱片公司 Silly Thing睇中與 Juno、吳日言 等成為同期歌手。



一畢業就先進了兒童節目組主持兒童節目 , 然後轉戰綜藝科、 加入《大搜查》,到了開始拍劇時已經有相當知名度,「上位又真係未去到,不過事業又一直穩步上揚,客戶又幾鍾意我keep住有人搵,人工又慢慢有得加,既然做得開心又搵到錢養到家,我自然就安於現狀」。



「十九年,你會明白人哋成功真係有原因。不過講番轉頭,我都感恩,可以一直跟住自己生活節奏,做緊自己鍾意嘅嘢,我諗個天其實好公平,總會擺你喺最適合嘅位置。」,上不到位亦未必是一件壞事,或者一切都已有上天安排。



講到第13期藝員訓練班,美妮和同期訓練班的楊怡還多了一層感情,共抗過外敵,共度過患難:「阿怡大我幾個月,我一直似個大家姐,有義氣又敢出聲。有一年,藝訓班一班同學畀人叫去綜藝節目撐場面,黐住企無意識企咗中間,畀人單打:『呢啲人囉,綵排都唔係咁嘅,攝到中間都唔知博乜 ……』」





「我畀人激到喊,阿怡就一定會幫我出頭。仲有一次,畀我遇到個渣男,真係衝上去阿怡屋企攬住佢喊,佢陪咗我好多次去海邊談心㗎……」,原來二人情誼深厚。



多謝渣男

講到渣男,話說美妮曾有一位拍拖五年的男朋友,當時那男友色心大到勾搭同公司女藝員,更用張美妮部相機拍埋淫片斷正:「我做咗咁多年人,從來冇遇過衰人,呢個係唯一一個,對我嚟講簡直係人生污點,污到冇得再污 ……阿怡見到個女仔都同我講:『哼,幾想當眾鬧佢 呀,勁藐佢囉!』」,然而渣男同狐狸精都被電視台一早淘汰,一早唔算圈中人。



不過亦都多得呢位渣男,張美妮經歷了人生唯一一個短暫的低潮期,「每日玩到4、5點醉晒至返屋企,係就係好熱鬧,不過熱鬧過後,個人醉醺醺,原來個感覺仲寂寞,仲空洞。」,相信不少女生都曾經歷過一段銘心刻骨的失戀時光。



兩個月後,多得杜大偉做媒人,張美妮遇到了現任老公,拍拖五年,在巴黎鐵塔下收到了兩卡半的巨金鑽,然後鏡頭一轉,來到今天,兩人甜絲絲期待小家庭裡的第一個新生命。



大概有女生會問甚麼時候知道眼前這個就是想接下來共度一生的人?張美妮說,是當有一刻希望為對方做個更好的女人。她說永遠記得那一天,老公KK收工趕回家,當著她面把飯菜全都扒進嘴裡掃個乾淨,



「 佢個人好 cool,但係好實在,我知道我唔係最好,但係佢就係鍾意呢個我,會畀我繼續做自己。」,美妮對老公讚口不絕,相信她已找到自己一生的幸福及能帶給她幸福的那一位。














鍾意就快D Share啦!
Related Posts Plugin for WordPress, Blogger...