2019年2月28日 星期四

樂基兒:【患妊娠糖尿】樂基兒靠飲食減磅:BB冇瘦 __,樂基兒,

名模樂基兒(Gaile)現時懷有七個多月身孕,她出席護膚品牌活動時以貼身連身裙示人,期間透露預產期是四月尾、五月頭,心情有少少緊張,但好享受佗BB嘅過 ...


名模樂基兒(Gaile)現時懷有七個多月身孕,她出席護膚品牌活動時以貼身連身裙示人,期間透露預產期是四月尾、五月頭,心情有少少緊張,但好享受佗BB嘅過程。

談到之前佢喺社交網表示有妊娠糖尿,問到是否因為食太多甜嘢所致?佢否認:「因為我家族有遺傳高膽固醇,所以依家飲食要好小心,我知道自己嘅身體唔可以食甜嘢,初初都有少少擔心,但係依家冇嘢,BB都好健康。(因為妊娠糖尿而減肥?)我轉咗餐單,之後瘦咗六磅,但只係減自己嘅磅,BB冇瘦到。(係咪屬於重磅BB?)唔係,佢依家三磅,唔係重,但佢係屬於高嘅BB,可能佢喺我肚入面都有做瑜伽。我依家都有做啲孕婦瑜伽,比較輕鬆啲嘅。」

另外,佢又表示會喺香港生B:「 我貪心,因為香港有陪月,而老公亦喺香港做嘢,咁香港啲醫生都好好。(會否順產?) 會試吓順產,但如果真係唔得,要開刀都冇問題嘅。」佢表示老公會全力配合及支持,平時亦有幫佢按摩:「試過一齊上堂,要幫我按摩三個鐘,到最後嗰十五分鐘,我先至幫佢按番。」另外,同場還有「城嫂」方媛現身,見她肚凸凸,惟她未有受訪。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...