成個獎畀人當垃圾掉咗喺北角天橋底，引起全城網民競猜誰是兇手，仲話嫌疑最大，就係曾經報住北角兼攞過呢個獎嘅吳彤。近年已經好少公開現身嘅吳彤，喺社交網透露移居咗加拿大，曾住北角+移居外地，唔通佢搬屋時順手掉埋個獎？
依家身在加拿大溫哥華嘅佢，今日凌晨時段喺社交網澄清話唔關佢事，話瘋狂收到朋友短訊問佢，佢話：「移居加拿大一段時間，應該要斷捨離都一早斷捨離，不過我獎唔多，所以擺倉都仲好多地方，有緣攞出嚟影張相囉。何況咁多女裝鞋，我應該冇咁嘅福分，亦冇咁嘅興趣。祝大家豬年快樂！」睇返佢社交網，的而且確喺2017年開始放咗唔少喺加拿大嘅生活照，真係喺當地生活咗一段時間，不過依然有好多網民話要佢同個獎自拍先會信，佢回覆網民話：「機票好貴呀！」咁即係個獎冇跟身，仲喺香港
身為創作歌手嘅吳彤，2004年入行做歌手，不過星運平平，最爆係2013年「出櫃」承認係同性戀者，2017年仲話要離開香港，去加拿大發展事業。
來源 source: http://hk.on.cc
|
鍾意就快D Share啦！
|
|
|
