掃呢頁CODE去手機

2019年2月15日 星期五

陳婉衡:爭人錢?陳婉衡驚爆被點錯相搞到上差館 __,陳婉衡,

無綫咪神陳婉衡(Alycia)喺社交網自爆被點錯相,佢今日搭港鐵上跳舞堂,竟然有一名男士同Alycia講,話Alycia爭佢錢,仲要全程用電話「直擊」 ...


無綫咪神陳婉衡(Alycia)喺社交網自爆被點錯相,佢今日搭港鐵上跳舞堂,竟然有一名男士同Alycia講,話Alycia爭佢錢,仲要全程用電話「直擊」成個過程兼追住佢,最爆係Alycia根本唔識呢位男士,但係嗰個男士仲要繼續死心不息兼報警,搞到Alycia好驚,佢留言:「我好驚諗住搵港鐵職員求助。跟住警察嚟到就好Confused,因為係嗰位男士報警,但係就見到我又喊晒又震晒咁。搞咗個幾鐘,原來嗰位男士好似點錯相。」

Alycia話港鐵職員同警察都明白事理,佢大呼好無奈,仲話第一次去警局:「真係好驚,究竟邊個先係受害者,人生第一次去Police Post,有冇咁黑仔,我冇呃你錢啊大佬,下次可唔可以搞清楚,搞到我Miss埋跳舞堂。」

Alycia接受東網電話訪問時透露,對方誤以為佢係新加坡人,仲話佢呃咗人哋百幾萬:「嗰個人話『你係一個新加坡藉嘅人,你呃我,呃我百幾萬』,其實真係唔合邏輯,唔係真㗎啦,跟住警察嚟到,我話我唔識呢個人,佢係咁唔畀我走啦。之後最無奈,但我唔係好肯定,好似話嗰個男人真係畀人呃錢,但好似話係電話騙案,佢係Cap咗嗰個人嘅相,佢係憑住嗰一張相,跟住就話我把聲似囉!」


來源 source: http://hk.on.cc
鍾意就快D Share啦!