掃呢頁CODE去手機

2019年2月22日 星期五

胡杏兒:跟老公回鄉祭祖!大肚杏兒曬太陽吸收靈氣 __,胡杏兒,

藝人胡杏兒前年誕下囝囝Brendan,現時懷有第二胎嘅佢,早前同老公李乘德(Phil)返咗男家嘅祖村祭祖,仲孭起擔挑,實行做「客家村姑」!昨日,Phi ...


藝人胡杏兒前年誕下囝囝Brendan,現時懷有第二胎嘅佢,早前同老公李乘德(Phil)返咗男家嘅祖村祭祖,仲孭起擔挑,實行做「客家村姑」!昨日,Phil喺社交網上載咗幾張相,透露佢哋再次返咗祖村祭祖,仲以英文解釋指每年農曆正月十五,佢哋條村都會舉行為期三天嘅點燈儀式,而佢今次都有帶埋老婆杏兒、囝囝Brendan,齊齊回鄉祭祖並進行儀式。相中見佢誠心上香,另外一張相仲見到佢拖住一歲幾嘅Brendan,顧家好男人嘅感覺出晒嚟!唔少網友都留言感謝佢宣揚客家文化,仲有人問點解唔見杏兒入鏡喎!

雖然杏兒冇喺老公IG蒲頭,不過杏兒都有喺自己IG晒出一張喺戶外曬太陽嘅相,相中見着上鬆身長裙嘅佢將個肚遮得幾好,驟眼望落冇乜孕味之餘,仲幾有青春活力添!


來源 source: http://hk.on.cc
鍾意就快D Share啦!