掃呢頁CODE去手機

2019年2月9日 星期六

何鴻燊賭王:三太否認賭王病重:佢叫啲細路聽聽話話 __,三太,何鴻燊,賭王,

現年97歲的賭王何鴻燊,有傳身體轉差需留院轉往深切治療部(ICU)。今日下午2時,三太陳婉珍及女兒何超蓮到醫院探望何生,兩人面帶笑容企定定影相,問到何 ...


現年97歲的賭王何鴻燊,有傳身體轉差需留院轉往深切治療部(ICU)。今日下午2時,三太陳婉珍及女兒何超蓮到醫院探望何生,兩人面帶笑容企定定影相,問到何生現時身體情況?三太笑笑口表示:「冇嘢呀。(入咗ICU?)冇入,休養緊。(佢身體點?)ok。(有精神?)有呀,唔知點解咁傳,真係唔知點解,久唔久就咁傳,總之冇事,休養緊。(食到嘢?)食到。(有冇傾偈?)有呀。(有冇講咩賀年說話?)叫細路個個聽聽話話。」

超蓮就謂爸爸有派利是,之後三太表示要趕住上去「接更」,所以先離開,而超蓮就留低繼續受訪,問到她新年如何慶祝?她皺一皺眉表示:「大吉利是咩,新年流流傳啲咁嘅嘢。(有冇影響心情?)梗係有,始終年紀大。」之後她就上樓探爸爸。

約下午2時25分,四太梁安琪及戴住口罩的兒子何猷君匆忙步出醫院,講到有傳何生身體很嚴重?四太細聲表示:「你哋鍾意講乜都得。」之後猷君就拖住媽咪,兩人急急腳趕住上車,沒有再答其他問題。


來源 source: http://hk.on.cc
鍾意就快D Share啦!