掃呢頁CODE去手機

2019年2月13日 星期三

【有型老竇唔買潮牌逛童裝】余文樂巧遇前輩陳曉東 點頭鞠躬好好禮貌 __,余文樂,陳曉東,

余文樂、陳曉東兩位型佬,閒時shopping有共同嗜好,鍾意行同一款店舖,係啲乜?相信大家未必估到,童裝呀!人哋話做咗老竇之後會成熟咗,或者係真㗎。余 ...




余文樂、陳曉東兩位型佬,閒時shopping有共同嗜好,鍾意行同一款店舖,係啲乜?相信大家未必估到,童裝呀!

人哋話做咗老竇之後會成熟咗,或者係真㗎。余文樂而家出街好多時都係同老婆一齊,唔係行名店、買潮牌,反而睇小朋友衫仔,仲落手落腳去揀款,做咗老竇真係唔同晒。

會行童裝店舖嘅型男嚟計,除咗余文樂,仲有陳曉東。同一日,同一地點,同一時間,仲有陳曉東一家四口。佢兩個女大咗好多,識行識走連衫褲鞋襪都識得自己揀,仲著住一色一樣嘅服裝喺店舖入面彳亍咁轉,而一身牛仔look好有型嘅陳曉東就拎住杯飲品,單手插袋,跟喺兩個女身後𥄫實。兩個女明顯好黐爸爸,睇啱嘢會即刻通知爸爸,離開時又會跑上前主動拖實。前世情人真係冧死人,難怪陳曉東再忙再攰,返到屋企都甘願為兩個女做牛做馬任佢哋騎啦。

陳曉東之後見到余文樂身影,主動上前打招呼。見到前輩,樂仔即刻四萬咁口講新年快樂,又點晒頭、鞠晒躬,好有禮貌。


鍾意就快D Share啦!