台灣第一名模林志玲尋相隔8年再現身央視春晚，而佢嘅演出仲成為全晚最精彩嘅一環！志玲姐姐與游泳隊、芭蕾舞團攜手表演名為《綻放》嘅韻律泳，亦係佢首度挑戰呢個項目，艷壓全場！
着上紅色低胸泳裝嘅佢猶如花仙子般出現喺舞台中，畫面一轉，佢又坐咗喺空中嘅花圈，再一躍而下跳入水中，又化身出水芙蓉！上天下海翩翩起舞，唔只露出修長美腿，喺水中嘅佢豐滿上圍瞬間「湧現」，爆乳身材非常搶眼！
網民都話簡直係仙女下凡，演出好貼題「如花綻放」般，仲話「剛開始看還以為是國家隊的花泳運動員」、「下次參加個奧運會多好」、「又優雅又知性」、「不老女神」，一啲唔似44歲！其實喺練習期間，佢仲買咗啲嘢食珍珠奶茶慰勞一班小妹妹，真係人美心善呀！
而志玲就喺微博留言：「感謝春晚綻放團隊的每一個人！用心和時間孕育這個作品！從見到你們的那一刻，我就告訴自己，全心全意，盡力做到最大可能！奮鬥才會幸福！努力才能綻放！祈願大家共同綻放更美好更快樂新的一年喔 新年快樂 諸事如意 闔家平安」
來源 source: http://hk.on.cc
|
鍾意就快D Share啦！
|
|
|
