網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年2月25日 星期一

鄭伊健:晒高難度倒掛舞功 鄭伊健開騷蝦碌跌咪 __,鄭伊健,

藝人鄭伊健今晚於紅館舉行首場《鄭伊健AlongwithEkin香港演唱會》,太太蒙嘉慧、伊健父母、車婉婉、蔡一智夫婦、鄭子邦、陳逸寧等前來捧場。伊健以 ...


藝人鄭伊健今晚於紅館舉行首場《鄭伊健Along with Ekin香港演唱會》,太太蒙嘉慧、伊健父母、車婉婉、蔡一智夫婦、鄭子邦、陳逸寧等前來捧場。伊健以金色長褸配西裝,右邊頭髮束起兩小辮子造型登場,他站在鋼琴旁,由音樂總監陳光榮彈琴,而三個旋轉小台上更有小交響樂團有為他伴奏。他甫出場即演唱《甘心替代你》,之後在上升的小舞台唱出《一個為你甘去蹈火海的人》,一連獻唱多首大熱歌曲,炒熱全場氣氛。

演唱會採用四面台設計,舞台有4個高低不同的圓形升降台,當伊健和十多名舞蹈員跳舞又蜈蚣彈,唱《野森林》去到觀眾欄前時,竟一時失手將咪跌底台底,搞到一時間冇咪用!好彩有和音幫口唱,之後工作人員急急提供另一支咪頂上,而伊健表現淡定,其後跟住舞台再升上一個大鐵環,更在環上做倒掛動作,相當厲害。精彩表演一浪接一浪,伊健與舞蹈員企上圓形舞台跳唱時,舞台不停轉,如置身在氹氹轉中,更越轉越快,但伊健唔止冇轉到暈,更跳唱不停。

伊健今場唱足一小時,終於開口講話:「你哋好!其實我好想大聲啲,但怕嗌拆把聲,6年冇見你哋都係咁咋,要進步少少!」觀眾即歡呼大叫,他隨後又問山頂觀眾如何,因頭頂有個巨型螢幕,他謂:「係值嘅,你哋睇我個頭大過坐第一行睇㗎!」伊健自爆好緊張,因已6年冇見大家,又以普通話向內地歌迷說:「你哋飛過嚟?我國語係咪有進步呢!」全場即大笑。

今次個唱除舞台花心思外,更有不少道具讓人眼前一亮。愛打機的伊健出動了兩個如「變形金剛」Feel的機械裝置,2個機械人進行對戰,加上煙火效果,相當有睇頭。舞蹈員還用了一個「吹氣大泡泡」,拋上空中飄浮的感覺好浪漫。


來源 source: http://hk.on.cc
鍾意就快D Share啦!