2019年2月28日 星期四

楊偲泳:楊偲泳隻字唔提張振朗:唔好傷害在意嘅人 __,張振朗,

藝人楊偲泳(Renci)出席ViuTV廣告活動,問到拍得多不多廣告?她表示:「之前拍咗啲網上廣告,係關於環保。(想拍咩類型廣告多?)任何類型都歡迎,但 ...


藝人楊偲泳(Renci)出席ViuTV廣告活動,問到拍得多不多廣告?她表示:「之前拍咗啲網上廣告,係關於環保。(想拍咩類型廣告多?)任何類型都歡迎,但運動或者偏好我平時做開嘅電影、電影會好啲。」提到她被爆撻着張振朗,問到可會與男友拍廣告?她即避談:「好難選擇同邊個拍檔,睇吓客戶、公司決定。(你哋打對台會唔會尷尬?)工作還工作,如果客戶或公司覺得呢個拍檔唔錯係可以考慮。」問到可有人找她與男友情侶檔出活動?她謂:「暫時我知公司安排都係一個人接工作先。(但兩個人出活動可以收多啲錢?)我對呢方面唔係好擅長,靠公司傾。」

問到與張振朗拍了幾耐拖?她避談表示:「依家都係專注工作先,今年會陸續推出電視同電影,一路忙宣傳同拍攝。(唔同公司唔可以太高調?)我覺得自己舒服先,唔好影響到身邊人,唔好傷害我在意嘅人,無論任何工作夥伴、朋友定屋企人,都希望可以保護到大家。(你哋有共識低調?)我會咁選擇,想自己或身邊朋友可以努力工作。」問到男友可有為她演戲畀意見?她謂:「一路以嚟朋友都會畀好多唔同意見我,不斷同我講可以點樣再好啲。(如果兩個一齊睇電視會睇邊個台?)我鍾意睇戲,會開電腦煲劇。(佢成日上你屋企睇戲?)我同朋友會周圍去,無論喺街定一班人喺studio或邊個屋企都好,冇刻意營造幾多個一齊睇或去咩地方睇,大家都開心就夠。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...