台灣第一圍棋女神黑嘉嘉，剛於日本參加「扇興杯世界女子圍棋最強戰」，經過五日激戰，嘉嘉順利進入四強最終取得季軍，奪得200萬日元獎金。嘉嘉因為靚得嚟極具氣質、混身散發仙氣，今個賽事每逢出場就成日本網上熱搜榜冠軍，並被日媒封為「千年僅一人的美女棋士」，認真不得了。
黑嘉嘉於澳洲出世，係台灣同澳洲混血兒，五官靚到好似雕出嚟一樣，嗰份仙氣勁過初出道嘅張柏芝。仲因為由細到大都鍾意捉棋，所以養出嘉嘉文靜靈巧嘅氣質，靚得嚟有仙氣唔係庸姿俗粉，喺呢個「P圖年代」堅少有。日本人好鍾意嘉嘉，之前人氣已經勁高，今次佢去到當地參賽得到極大注意，喺比賽之前受邀同日本9歲天才棋手仲邑堇進行友誼賽，日本傳媒瘋狂報道，嘉嘉人氣又升咗唔少，日本人都知台灣，有一位「千年僅一人的美女棋士」。得到世界賽季軍後，嘉嘉咁講：「滿意呢次比賽表現，仲覺得好榮幸，諗唔到喺日本咁多人關注我。」
嘉嘉雖然已經24歲，但佢6歲學棋、14歲就成為職業棋士，佢人生大部份時間都係捉棋，所以仲未有戀愛經驗。對於男朋友，嘉嘉咁講：「我一直都唔覺得需要拍拖，但近期連爸爸都問我幾時談戀愛，所以都認為係時候了。」問到擇偶條件，嘉嘉咁講：「我鍾意脾氣好、有幽默感嘅男生，高度同靚唔靚仔都唔重要，同我傾得埋就可以了。最好就係好似我爸爸咁，係個好男人。」嘉嘉，其實我都幾似世伯㗎，可以考慮吓我呀！
支持本地運動員，一齊去「睇體」！
https://bit.ly/2DxX4XI
東網體育FB同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
