網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年2月13日 星期三

張家輝:影帝扮觀眾送驚喜!劉青雲搵林嘉欣教謝票 __,劉青雲,張家輝,林嘉欣,鍾嘉欣,

英皇電影《廉政風雲煙幕》票房成績愈來愈勁,截止今日中午12時為止,累積票房高達2,322萬,一眾演員劉青雲、林嘉欣、湯怡、吳浩康、何遠東及導演麥兆輝為 ...


英皇電影《廉政風雲 煙幕》票房成績愈來愈勁,截止今日中午12時為止,累積票房高達2,322萬,一眾演員劉青雲、林嘉欣、湯怡、吳浩康、何遠東及導演麥兆輝為答謝觀眾支持,今日連走多間戲進行謝票。影帝青雲更獻出人生謝票初體驗,青雲初時有點緊張,更問大家他應該企哪裏,跟現場觀眾打招呼時又口窒窒,他說:「我係劉青雲,我今日係第一次嚟謝票!」但經過一輪熱身後,他就變得風趣幽默,又向身旁的的湯怡說:「我終於可以同湯怡睇戲喇!」其後他又搞氣氛,與大家玩遊戲時派利是,令現場觀眾情緒高漲!

靜靜雞扮觀眾

青雲、林嘉欣受訪時表示很開心,青雲謂:「台前幕後宣傳都好努力,依家收得當然好開心。(你第一次謝票?)係呀!本身我都鍾意喺戲院睇戲,都有啲擔心突然走入去,啲觀眾未必接受到,所以今次安排播前、播後入去會好啲,啲宣傳人員叫我靜靜哋喺度扮觀眾。」林嘉欣則表示喜歡謝票:「同觀眾互動可以即場知佢哋反應,都可以作參考。」

青雲叫嘉欣教他謝票,嘉欣即謂:「笑吓咪得囉!」青雲笑言:「即係如果一陣啲觀眾問青雲你喺度做緊乜呀?我就騎…騎…騎咁笑?」問嘉欣平時青雲是否很Cool時,她謂:「唔係,佢已經笑多咗好多。」

生日請人食飯

青雲希望《廉政風雲 煙幕》有機會拍第二集,講到日前生日,他謂:「今年好奇怪,主要係我請人食飯,好多好耐冇見嘅朋友送咗五、六個蛋糕畀我,我覺得好surprise!我唔係一個鍾意慶祝嘅人,平時較低調。」在旁的嘉欣即忍不住說:「咁慘:」青雲即說:「唔慘!我自己低調唔鍾意慶祝啫,但我自己都鍾意同人慶祝嘅。」

談及黃秋生及吳鎮宇均入圍角逐金像獎影帝,問青雲看好那位老友時,他起初表示未知其他候選者是誰,當知道後,他驚訝地說:「嘩!個個都老友嚟㗎喎!」而嘉欣則指看完電影才發表意見會公平一點。


來源 source: http://hk.on.cc
鍾意就快D Share啦!