掃呢頁CODE去手機

2019年2月8日 星期五

青雲帶老婆捧場靚靚客串沾光 __,劉青雲,袁詠儀,靚靚,

《廉政風雲 煙幕》票房成績驕人,劉青雲、張家輝及林嘉欣梗係開心!
青雲帶老婆捧場靚靚客串沾光英皇賀歲片《廉政風雲煙幕》氣勢如虹,上映3日已衝破千萬票房,就連鍾楚紅入場後亦讚口不絕,台前幕後認真飲得杯落!身為男主角的劉 ...


青雲帶老婆捧場靚靚客串沾光

英皇賀歲片《廉政風雲 煙幕》氣勢如虹,上映3日已衝破千萬票房,就連鍾楚紅入場後亦讚口不絕,台前幕後認真飲得杯落!身為男主角的劉青雲與太太拍拖入場「視察民情」,張家輝則「出口術」想老闆請食飯,友情客串的袁詠儀(靚靚)坦言角色吸引的話,不介意在續集內與劉青雲「再續前緣」。

《廉》片台前幕後陣容鼎盛,導演麥兆輝邀來影帝劉青雲、張家輝、方中信、影后林嘉欣、袁詠儀及陳家樂等合演,電影上映三日票房已火速衝破千萬港元大關,成績斐然,為港產片打出漂亮一仗!昨日年初三,《廉》片票房繼續領風騷,單日票房三百二十多萬元,教台前幕後振奮不已。

林嘉欣開心尖叫

身為男主角的劉青雲聞得喜訊即笑說:「開畫成績咁好,當然好興奮,好多謝大家支持。」原來他亦有與太太郭藹明拍拖入戲院撐自己,親身感受影迷的熱情及支持。張家輝即「出口術」:「部戲收得,當然要導演同老闆請食飯」而嘉欣知道開畫大收即頻頻尖叫:「今次真係好開心,雖然我忙拜年、照顧小朋友,但都好緊張電影嘅成績,同時留意網民反應。依家成績咁好,希望好消息陸續有來!」身在巴黎的麥導越洋表示:「多謝觀眾支持,以及台前幕後與宣傳人員的努力,希望繼續有好成績,可以打破票房紀錄!」

袁詠儀雖然是客串,但演出依然亮眼,不愧為影后。
  • 袁詠儀雖然是客串,但演出依然亮眼,不愧為影后。

鍾楚紅讚口不絕

而戲中只客串了兩場戲的靚靚,今次有機會與當年的「經典拍檔」劉青雲在大銀幕重逢,二人更突破過去愛情片框框,一場角力戲對白「你來我往」,火花四濺。身在北海道的她笑說:「我只係友情客串,不敢領取任何功勞,聽到有份參與嘅電影票房出色,當然感到好開心希望未來香港電影繼續百花齊放,發掘多啲不同新穎題材,拍出更多好戲畀香港觀眾欣賞。(麥導邀請嘅話,考慮喺續集擔正?)最緊要角色好,適合自己嘅話,呢啲都係可遇不可求嘅。」她又與老公張智霖在社交網分別上載手執雪糕遮掩對方樣貌的照片,一個留言「極品」,一個留言「最愛」,實行「另類放閃」。另外,鍾楚紅日前入場欣賞《廉》片後即讚口不絕:「一班演員演得好,即使配角亦同樣出色!」






鍾意就快D Share啦!