女星林夏薇去年6月發生交通意外，駕駛時疑被四驅車撞至「大陣全歪」，案件昨日（20日）宣判裁定被告罪名不成立，結果引起薇薇不滿，更於社交網發「千字文」進行大控訴。
東網致電薇薇，問到會否對案件進行上訴，她表示：「今次我係以證人嘅身份上庭，唔係提告，所以會唔會上訴要睇番律政司嗰邊嘅決定。」她又對循民事途徑追討有所保留，指要尋求警方及法律意見後，才再作決定。
至於講到車禍受傷的康復情況，她指：「當時我尾龍骨有幾節歪咗，加上頸椎受傷導致我左手麻痹，依家都仲有痹嘅情況，所以都有keep住覆診。（怕唔怕影響造人大計？）依家身體咁差，加埋撞車，真係要調理咗身體先，同埋造人呢啲嘢都好講心情。（車禍有冇影響你揸車？）有，好有陰影，依家都盡量少揸，尤其經番事發嗰段山路，我都唔係好敢行，都會特別揸慢啲。」她續指以往駕駛小心，從未試過發生意外，故一直沒有安裝車Cam，但現在卻因此欠缺實質證據，而令她大感後悔，故決定會安裝車Cam。
來源 source: http://hk.on.cc
|
鍾意就快D Share啦！
|
|
|
