網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年2月13日 星期三

娛刺撈飯:一代忠師搞自閉 張家輝格價走渣趕絕小三 __,小三,張家輝,

「渣渣輝」一出,誰與爭鋒!今個賀歲檔「渣渣輝」張家輝主演嘅《廉政風雲煙幕》眾望所歸,跑贏九條街,開畫首日已經成為票房冠軍,仲唔係「渣渣威」?呢期社交網 ...


「渣渣輝」一出,誰與爭鋒!今個賀歲檔「渣渣輝」張家輝主演嘅《廉政風雲 煙幕》眾望所歸,跑贏九條街,開畫首日已經成為票房冠軍,仲唔係「渣渣威」?呢期社交網興玩「#10Years Challenge」,張家輝呢10年嚟由「七帝」升呢為「渣渣輝」,威到將「我是張家輝」講成「我四渣渣輝」,靠一口「港普」而紅爆網絡,打通南北,內地13億人口無人不識,勁過網紅!講普通話爛到入屋增人氣,大人細路都鍾意,尤其早排爆Seed:「小三的分手費太貴了!」一針見血,上埋內地熱搜,人人派Like!

雖然冇指名道姓,但好多人估佢講嘅係捲入出軌風波嘅內地男星吳秀波!網民狂踩波叔係新一代渣男「渣渣波」,代價大到就連春晚節目都被隱形P走埋!

孖學友做剋星

此「渣」不同彼「渣」,「渣渣輝」同「渣渣波」都係中年走紅嘅大叔男星,歷經風霜,理應知分寸,娛樂圈五光十色,錢銀女人,正如「渣渣輝」嘅金句話齋: 「你依家冇,但將來會有!」「渣渣輝」入行30年個底冇花過,一條心向住太太關詠荷,仲同「大佬」張學友拍住做「剋星」。學友喺內地巡唱立大功做咗「罪犯剋星」,逃犯不請自來;生成宅男命嘅張家輝,小三見到佢都驚,天生係「小三剋星」!

「揸揸咪」浴室過癮

應酬免問怕見人,「渣渣輝」鍾意匿喺工作室或者屋企度劇本甚至放空,每日擘大眼就係睇戲做戲同傾戲,狂熱嘅程度,連導演麥兆輝都笑佢煩,初見面傾劇本加時再加時,三粒鐘先完場!唱歌,只限於屋企個廁所,頂多做紅館嘉賓過吓癮做「揸揸咪」。去澳洲拍《廉》片時,台前幕後都乘機抽時間玩吓食吓,但佢就匿埋酒店玩自閉,仲喊咁口話唔識開水掣,幾乎冇涼沖,自理能力弱雞!

唯一令佢分心嘅,就只有囡囡Brittany,直情係「地表最強小三」,連「大婆」關詠荷都鬥唔過!張家輝錫女錫到入心入肺,為求個女有良好學習環境,孟母上身搬幾次屋,由西貢搬去億元豪宅,再高薪請七個碩士培訓做資優生,死心塌地嘅程度連關詠荷都詐型,話老公見到個女,當自己隱形!一個男人,開口埋口唔係電影就係老婆同女,街唔行,K唔唱,連開水喉都唔曉,要成功埋身做到佢嘅小三?難度肯定高過申請攞4,000蚊!真係搵食行遠啲嘞!


來源 source: http://hk.on.cc
鍾意就快D Share啦!