網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年2月15日 星期五

楊思琦:把聲夠特色!楊思琦踩過界恨組母女合唱團 __,楊思琦,

楊思琦尋求突破推出新歌,透露平時最愛與囡囡沖涼時練歌及聊天,是最好的親子活動。她亦希望母女檔推出兒歌,擁有一首屬於她們的作品。藝人楊思琦宣布踩過界做歌 ...


楊思琦尋求突破推出新歌,透露平時最愛與囡囡沖涼時練歌及聊天,是最好的親子活動。她亦希望母女檔推出兒歌,擁有一首屬於她們的作品。

藝人楊思琦宣布踩過界做歌手,推出歌曲《愛的森林》,日前化身「森林仙子」拍攝單曲封套。她表示今次由籌備、揀歌、歌詞都親力親為參與,希望作新嘗試:「之前有出寫真集,我又鍾意唱歌,所以想突破吓。」並指新歌籌備近半年,製作費花了6位數字:「係心血結晶。」她希望觀眾除了看其演出外,亦可聽到她的聲音:「其實好多次喺街啲人未見到我個樣,就話已經聽到我把聲,覺得好熟悉,可能比較高音,同有『思琦嘅特色』,佢哋覺得易認,所以我就諗:『咁樣唱歌咪啱!』希望可以吸納吓鍾意聽音樂嘅朋友。」

唱個人經歷

思琦透露新作與愛有關:「有講我啲經歷,或同其他人類似,係好積極、正能量嘅歌。」她表示現年6歲多的囡囡有聽過新作,亦有去錄音室為她打氣:「成日聽我練,佢都識哼Chorus。(有冇讚你唱歌好聽?)有,佢係我嘅小支持者,我練習佢會坐定定聽,其實最好嘅練習室就係我哋沖涼嘅時候,大家一齊唱。佢幾個月大時,我已經習慣沖涼播歌畀佢聽,到依家都會咁做,係最好嘅親子活動,可以傾偈同唱歌。」

囡囡有天分

讚囡囡有音樂天分的思琦,問到想不想合唱兒歌?她即說:「好想!我以前有唱兒歌同電視劇主題曲,如果有機會同囡囡合唱,呢個建議都幾好,有一首屬於我哋嘅歌。」亦透露之前曾母女檔登台:「佢好細個嘅時候,我有帶佢去多倫多登台,佢唔怕醜,喺班上都成日唱歌畀同學聽,對唱歌有興趣。」

至於新歌《愛的森林》講述每個人在愛情裏面,有不同的看法和得着。MV充滿唯美感覺,導演更將睡床搬到海灘旁拍攝,運用航拍機高空拍攝,期間卻突然遇上強勁的海浪潮,將思琦推出岸邊,雖然心驚驚但她亦故作鎮定保靚樣。

髮型:Chris Cheng @ ILcolpo

化妝:Jessica Chan

場地:Studio Tree


來源 source: http://hk.on.cc
鍾意就快D Share啦!