掃呢頁CODE去手機

2019年2月10日 星期日

何鴻燊賭王:被傳病重入ICU 賭王首開腔:我好好! __,何鴻燊,賭王,

【14:25】三太陳婉珍穿上昨日的粉紅色上衣,笑容滿面步出醫院大堂,並應記者要求企定影相,說:「影完又影。」問到有否與何生賭兩手發新年財?她笑笑口說: ...


【14:25】三太陳婉珍穿上昨日的粉紅色上衣,笑容滿面步出醫院大堂,並應記者要求企定影相,說:「影完又影。」問到有否與何生賭兩手發新年財?她笑笑口說:「佢打麻雀㗎喎。(幫何生約麻雀腳?)有呀,有呀。(何生狀態如何?)Ok。(幾時可以返屋企休養?)咁又未講喎。」另外,二房亦有派代表現身。

【13:43】何猷啟逗留20分鐘後離開,問到同爸爸傾咗咩?他說:「傾閒偈,爸爸托我同大家講『我好好,唔使擔心』。(佢講嘢清晰、健康?)係呀,OK嘅。」問到何時出院?他思考了一會,然後回答:「呢個要問醫生。(媽咪喺上面?)係呀,咁好啦,我走先喇。」隨即雙手合十離開。

【13:27】何超雲離開,記者問到爸爸身體情況?她表示ok後,急步上車並揮手向記者道別。

【13:23】何猷啟獨自到達,問爸爸身體如何?他表示:「好好。(準備同爸爸傾偈?會唔會打麻雀?)會傾偈,打麻雀就唔會。」記者叫他代為問候賭王,他有禮回應:「好呀,多謝多謝。」

【13:20】何超蓮離開,問到爸爸賭王情況如何?她說:「好好。(陪佢食晏?)係呀。(食粥同菜?)係呀。」問到爸爸同佢講咗咩?超蓮窒一窒回答:「新年快樂。」素顏上陣的超蓮面帶倦容。

【13:02】何超雲獨自現身醫院,急急腳步入大堂。

現年97歲的賭王何鴻燊被傳健康出現問題,需在醫院深切治療部(ICU)留醫,四房成員一連三日輪流現身他留醫的養和醫院探望。今日下午時分見三房子女相繼獨自抵達醫院,亦大方企定讓現場逾30名守候的傳媒影相。

而三房的何猷啟更代父開腔,指賭王向大家表示:「我好好,唔使擔心。」


來源 source: http://hk.on.cc
鍾意就快D Share啦!