熱爆娛樂: 【李八方online】陳茂波維園行年宵被社民連狙擊最終坐港鐵敗走 _

2019年2月1日星期五

【李八方online】陳茂波維園行年宵被社民連狙擊最終坐港鐵敗走 __,港鐵,陳茂波,

維園年宵嘅氣氛越嚟越熾熱，今日輪到經民聯嘅檔位開幕。財政司司長陳茂波畀面出席主禮，落得年宵市場就預咗要被人狙擊。同樣有喺維園擺檔嘅社民連，上前要求陳茂波食咗個「萬億元」嘅cushion。淨係識攞市民嘅血汗錢搞人工島嘅陳茂波，唔肯就範，為咗避開社民連狙擊，寧願放棄座駕，急急腳搭地鐵走人。佢就有得揀唔買「萬億元」cushion，但香港人就要硬食政府嘅萬億元東大嶼。

陳茂波替經民聯年宵攤檔主禮時自嘲，話入場時見到好多豬，包括佢近排成日見嘅「嬲嬲豬」。梗係啦，政府派錢派到天怒人怨，搞出大混亂，港人唔嬲豬就假。

開完幕，波波沿路行去天后途中，經過鄧鏡波書院、張祝珊英文中學、西區少年警訊等4個年宵檔嗰陣都有幫襯，買咗啲豬公仔、斜孭袋同埋一個福袋，過程中都市民向佢「派嬲」，最激梗係社民連啦。

當佢臨到天后嘅時候，社民連成員狙擊波波，要佢「食」咗個萬億元cushion。雖然請願人士都埋唔到波波身，但成功阻止咗波波上佢嘅紅色座駕，以免自己「倒錢落海」，最後波波要自行坐地鐵由天后返金鐘。

每晚送5萬！星期一至五晚上10點半

《動腦Q》Let's Q the money！

http://bit.ly/2QW8LcI

	陳茂波於維園年宵市場參觀經民聯攤位時，遇上社民連成員示威。何建忠攝	 示威者被大批保安阻止，她之後走到陳茂波坐駕「守株待兔」。何頴賢攝
 陳茂波坐駕被包圍，最終棄車乘搭港鐵離去。