網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年2月8日 星期五

《美女廚房》元老度「美男廚房」方力申寸無綫節目假鄭中基叫過檔ViuTV __,Viu,ViuTV,《美女廚房》,方力申,無綫,鄭中基,

鄭中基(左)前晚在紅館開騷,請來《美女廚房》舊拍檔方力申(右)及梁漢文做嘉賓,三人齊聲寸無綫《美女廚房》第三輯內容假。
鄭中基(左)前晚在紅館開騷,請來《美女廚房》舊拍檔方力申(右)及梁漢文做嘉賓,三人齊聲寸無綫《美女廚房》第三輯內容假。鄭中基前晚紅館騷來到第三場,請來 ...


鄭中基前晚紅館騷來到第三場,請來昔日烹飪遊戲節目《美女廚房》的兩位拍檔梁漢文和方力申做嘉賓。三位《美女廚房》元老在台上吹水期間,提到去年無綫播出第三輯《美女廚房》都有意見,方力申更開口寸節目造假,鄭中基自度節目應改為「美男廚房」及過檔ViuTV播出,梁漢文索性說自己搞新電視台自己播。

鄭中基前晚於紅館,舉行第三場香港站「One More Time世界巡迴演唱會」。烹飪遊戲節目《美女廚房》是鄭中基在電視界經典之作,前晚他找來當年曾一齊主持的梁漢文和方力申做嘉賓。提到去年播出第三輯《美女廚房》,他們三人冇份拍,但觀眾反應卻欠佳,他們亦忍不住連環寸無綫。



呻冇女友

方力申、鄭中基及梁漢文前晚一同現身,一連唱了兩首當年《美女廚房》的歌曲,然後齊聲大叫節目的口號:「美女廚房食咗先講!」梁漢文問觀眾:「有冇掛住我哋先?定掛住啲坑渠水味意粉?」方力申接着問:「定係你哋最鍾意啲屎味魚蛋?」鄭中基問現場觀眾是否十年沒看《美女廚房》,梁漢文笑說:「最近有做㗎!」方力申立即接口寸爆:「嗰個係假㗎。」之後,梁漢文重提當年被封「整容三嬌」的女子組合Freeze亮相《美女廚房》時,被方力申意有所指她們的身材造假,梁漢文笑說:「你都癲癲哋,以前你話啲奶假,𠵱家就話人哋個節目假?」



《美女廚房》06年首播時,收視一度高達42點,打破《超級無敵獎門人》的紀錄。資料圖片 《美女廚房》06年首播時,收視一度高達42點,打破《超級無敵獎門人》的紀錄。資料圖片
當年《美女廚房》盛產「地獄廚神」,劣食令主持及嘉賓食到即時嘔吐大作。資料圖片

當年《美女廚房》盛產「地獄廚神」,劣食令主持及嘉賓食到即時嘔吐大作。資料圖片

鄭中基提議三人再做節目,不過要改名為「美男廚房」:「因為我哋已經有家室,唔可以亂咁食嘢。」方力申即時有意見:「你哋兩個就上晒岸,升晒呢,升做人老竇、做人老公,我升乜吖?我single呀。我唔single時安份守己,今日我single就食自己,求吓你哋」鄭中基笑說:「你誤會咗,我哋講緊嘢食。」方力申即時反駁:「總之唔好理,我真係好需要,好耐冇搞,真係好想搞,搞番個節目!」說罷,梁漢文及鄭中基即時贊成,方力申續說:「等我聽日返去TVB傾吓。」鄭中基接着說:「咪住,唔一定係TVB嘅,𠵱家仲有ViuTV。」梁漢文就稱不如自己搞電視台:「名我都諗埋㗎喇,就叫做T Viu B!」



自組網台

完騷後,方力申表示對台下反應感到意外:「原來有好多觀眾喺網上重睇,令我哋吸納咗年輕小朋友嘅觀眾。」問到是否代表他們會再搞節目,梁漢文說:「搞個台唔係冇可能,最多搞個網台,做我哋三個人嘅嘢,但呢段時間大家都各自有自己嘅嘢,好睇緣份。」其實,鄭中基的太太余思敏婚前曾是有線的主播,11年誕下女兒Emma後淡出,不過鄭中基卻多次撐太太復出幕前,今次鄭中基叫拍檔過檔ViuTV,眼中像是沒有無綫。

採訪:曹家誠

攝影:仇志德



鄭中基前晚與囡囡Emma開心演出。

鄭中基前晚與囡囡Emma開心演出。
鄭中基前晚一度走到觀眾席唱《財神到》兼

鄭中基前晚一度走到觀眾席唱《財神到》兼
鄭中基太太余思敏(中)曾擔任有線主播,鄭中基也不好太撐無綫。資料圖片

鄭中基太太余思敏(中)曾擔任有線主播,鄭中基也不好太撐無綫。資料圖片

鍾意就快D Share啦!