網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年3月7日 星期四

【入行10年都冇代表作】應昌佑有歌藝冇星運 為家庭不再追夢轉做打工仔 __,應昌佑,

 左(攝影:林德雄)右:(資料圖片)
經常聽到有人為追夢,放棄事業!39歲的應昌佑(Charles)卻剛剛相反,為了太太和子女,寧願放棄夢想,由台板上的歌手,返回辦公室當上班一族。為的,只 ...


經常聽到有人為追夢,放棄事業!39歲的應昌佑(Charles)卻剛剛相反,為了太太和子女,寧願放棄夢想,由台板上的歌手,返回辦公室當上班一族。為的,只是簡單四個字--「穩穩陣陣」!



Charles母親是70年代紅遍台灣、有「低音歌后」之稱的冉肖玲,Charles在04年簽約黎明領軍的A Music,唱片公司除了他,另一歌手是衛蘭,二人合唱情歌,一男一女拍住上;可惜成功彈起的,只有衛蘭一人;到14年時,面對10年合約快滿,依然未有一首代表作,Charles當年便決定壯士斷臂!



「14年大仔Travis出世,作為一個男人,有責任為將來打算,希望畀到穩定生活屋企人,加上嗰時同唱片公司合約差唔多完,自己就諗係咪要離開?而且我又唔係未返過工,咁啱有朋友開公司,咁我就將娛樂圈嘅嘢擺埋一邊先。」Charles說。



回想當年由美國讀書返港當歌手,Charles說一切只是巧合:「又可以話係緣份啦,我姐姐嘅前男友係幫雷頌德做編曲嘅工作,當年黎生(黎明)準備錄國語歌,姐姐嘅前男友知道我識國語同唱歌,就搵我唱Demo,仲話有千幾蚊賺,嗰時啱啱喺美國返嚟,反正都要搵工,咁就答應咗。」



錄完音大約兩個星期,Charles便收到A Music聯絡,表示有意簽他成為全職歌手,當時已經在大型運動品牌公司返工的他,決定辭職展開新一頁:「媽媽都有叫我諗清楚,因為佢怕我太單純會遇到壞人,但最後決定權都交番畀我。」



Charles又踢爆現時太太,當年和他拍拖不久,每次見到他和其他女歌手合作都會很擔心,他笑說:「佢初初都冇反對我入行,但後來就有啲呷醋,又試過要通宵陪我錄音,我擔心佢坐喺房出面唔知點,自然就錄得唔好,試過有次俾當時幫我做監製嘅Mark(雷仲德),走出房叫佢離開。」



還有一次,Charles和衛蘭在台上唱情歌,衛蘭一度伸手拖着他,結果他一手揈開衛蘭的手。重提這事,Charles都覺得好笑:「我都唔知點解會有咁嘅反應,嗰陣經理人都喺台下,之後我當然有俾人鬧啦,不過呢啲都係初期啫,後來佢都習慣咗我嘅工作,我又冇行差踏錯,都唔會再有呢啲事發生。」



10年回憶多的是,忽然決定離開,的確需要好大決心,Charles也承認:「我唔係一個冇planning嘅人,但我個人都幾順勢,而且當時囝囝剛出世,自己諗緊要點做,又有朋友搵我做嘢,咁我就去做囉!後來我都有再簽新公司,仲以為有第二個機會添!」



Charles離開樂壇兩年,16年再派新歌《過來人》,他說:「舊公司同事問我有冇興趣簽新公司,嗰時好開心,滿懷希望,因為唔係每個人有第二個機會,而且新公司仲肯遷就我返工時間,等我放工先錄音。」Charles憶述:「我記得我去商台派歌,我係感動到喊,因為再聽到自己把聲,奈何再錄第二首時,唱片公司出咗問題,自己又要離開,件事好峰迴路轉,的確係好大打擊。」



不過,一切都成過去,Charles現在和太太育有一子一女,直言所有決定都會以老婆及仔女行先。講到新一年大計,他透露正和友人積極籌備一個類似叫外賣的購物app,他說:「我雖然唔算好識做人,但喺圈中嘅朋友好多,嚟緊同個朋友合作搞呢個app,就有好多藝人幫忙喇,呢樣嘢令我好感動,一開口就有好多人撐,就算好忙都肯抽時間出嚟傾。」笑問Charles是否覺得兜了一個大圈,做生意更適合他?他即表示:「咁都係我入咗呢行先識到咁多朋友,所以唔可以話我冇得着,不過我一定唔會辭咗正職搞生意,因為要保障屋企人,穩穩陣陣最緊要。」



採訪:鄉奈仁

攝影:林德雄

場地提供:M2 Home (皇室堡)



3月7日《動腦Q馬拉松》

一日玩11場 全日派22萬

12:30pm-10:30pm

Let's QQQQQQQQQQQ the money!

http://bit.ly/2ICO2Mb



《Captain Marvel》完全導讀本

足料78頁 深度解構最強英雄!

https://bit.ly/2VyXIt2



第二屆最港電影大獎投票網址

https://bit.ly/thekongestfilmawards2018



左(攝影:林德雄)右:(資料圖片) Charles話現在每做一件事都會先為家人著想。 Charles話現在每做一件事都會先為家人著想。
Charles即將和友人合作推出購物app。

Charles即將和友人合作推出購物app。
 Charles當年簽約A Music時,公司只有衛蘭一個歌手。(資料圖片)

Charles當年簽約A Music時,公司只有衛蘭一個歌手。(資料圖片)
Charles在2012年迎娶拍拖多年女友Mandy。(資料圖片)

Charles在2012年迎娶拍拖多年女友Mandy。(資料圖片)
前年Charles曾經有新歌推出。(網上圖片)

前年Charles曾經有新歌推出。(網上圖片)
2016年上電台宣傳新歌,Charles感觸爆喊,替其新歌作曲的郭偉亮從旁安慰。(網上圖片)

2016年上電台宣傳新歌,Charles感觸爆喊,替其新歌作曲的郭偉亮從旁安慰。(網上圖片)
Mandy為Charles誕下一子一女。(網上圖片)

Mandy為Charles誕下一子一女。(網上圖片)
冉肖玲08年喺台灣開演唱會,Charles為母親做嘉賓。(資料圖片)

冉肖玲08年喺台灣開演唱會,Charles為母親做嘉賓。(資料圖片)

鍾意就快D Share啦!