掃呢頁CODE去手機

2019年3月6日 星期三

做內地藝人14年 回歸有保留倔強陳曉東:唔會咁幼稚 __,陳曉東,

即將首度踏上紅館的東東,近日積極操練備戰,兌現與粉絲的承諾。
即將首度踏上紅館的東東,近日積極操練備戰,兌現與粉絲的承諾。【娛樂人物】陳曉東離開香港轉往內地發展已經14年,由香港歌手變成內地藝人,近年回港發展的他 ...


【娛樂人物】陳曉東離開香港轉往內地發展已經14年,由香港歌手變成內地藝人,近年回港發展的他,將於大後日首度踏上紅館舞台開騷。東東日前接受《蘋果》專訪,坦言想再做廣東歌,但問到是否代表他全面回歸香港樂壇,東東卻明顯有所保留,自言倔強的他坦言:「我有憧憬,但唔會有幼稚嘅諗法。」

採訪:盧妹

攝影:林德雄

相關新聞:囡囡有表演慾

現年43歲的陳曉東轉眼間已入行24年,歌手出身的他雖然曾是眾少女心中的男神,但卻從未在紅館開個人騷,大後日他將一償所願踏上紅館台板。東東日前接受《蘋果》專訪,提到他於周六首度在紅館開演唱會,東東顯得非常雀躍:「之前都有入過紙,試過有期但冇做到,今次係興奮嘅,呢個係我同歌迷嘅承諾。」雖然只開一場,但東東未掉以輕心:「我會搏命去做,日日都健身,排舞都排成個月。」香港歌手對紅館有憧憬,東東也一樣:「我有憧憬,但唔會有幼稚嘅諗法。」

東東離開香港娛圈,北上發展已經14年,在內地拍過不少電視劇,也曾上過歌唱節目,更成為一時熱話。現在回歸香港,東東笑言:「工作內容係熟悉,但對觀眾係有疏離感,冇喺呢度生活十年,啲朋友話我連廣東話都有啲唔正。」不過東東表示想再做廣東歌:「音樂上都想嘗試,不過唔講住,𠵱家生態都唔同晒,大家都少買唱片,所以唔好俾客觀條件限制,音樂係鍾意所以做。」



95年出道的東東,與陳慧琳同期,對方已多次踏上紅館開騷。資料圖片 95年出道的東東,與陳慧琳同期,對方已多次踏上紅館開騷。資料圖片
東東03年與大S拍《倩女幽魂》在內地打開知名度,隨後更北上發展。資料圖片

東東03年與大S拍《倩女幽魂》在內地打開知名度,隨後更北上發展。資料圖片
東東與梁詠琪97年合演的電影《初戀無限Touch》,成為他的代表作之一。劇照

東東與梁詠琪97年合演的電影《初戀無限Touch》,成為他的代表作之一。劇照

等樓價跌搬返香港

今次回歸,是否意味東東全面回歸?他卻有所保留:「唔好講到咁死,我想再做音樂嘅嘢箒,可能今次做完(演唱會),即刻入紙下年又再嚟過呢,大家要創造機會畀我。」至於會否搬回香港住,東東笑說:「睇吓今年(樓價)跌幾多先啦,我咁多年都鍾意有轉變,唱歌又好拍戲又好,我鍾意試新嘢、新挑戰。」

曾經,東東是香港樂壇炙手可熱的新人,只因合約問題才北上發展,時間和經歷令他已不再是電影《初戀無限Touch》那個儍氣的「沈志康」。他形容自己是個倔強的人:「我唔會逃避,有段時間唔知點算好,都要自己諗辦法,可以畀自己失落,但唔可以失望。每日起身搵啲歌聽又好,做運動、洗個面,做吓其他嘢都好,要了解自己嘅長處同唔好,先可以解決問題。」

相關新聞:【蘋聞重溫】擲700萬解約戴思聰



天王地位擦身而過

恩師戴思聰曾惋惜東東與天王地位擦身而過,回首從前,東東覺得可惜嗎?他說:「我一早已經超越咗呢個諗法,我做新人嗰陣係好幸福,有咁大個廣告,又有好多戲拍。經歷過唔同階段,我覺得人要向前看,乜階段都好,用心做好自己鍾意嘅嘢。」東東認為要懂得知足:「喺內地拍劇嗰陣,試過敏感到完全開唔到工。我覺得𠵱家比上不足、比下有餘,所有嘢都要平衡,做藝人,唔可以放到自己咁大。」

藝人面對的問題天天都多,淡定心態是東東解決問題的良方:「好似今次爭取呢個香港演唱會咁,落實嗰陣已經好遲,中間一直有好多難題,同埋唔擔保呢個演唱會可唔可以發生。但我係理性驅動嘅,好少因為情緒牽動工作決定,就算唔得,我都會好坦然咁面對自己,要自我調整,我就係呢種淡定嘅心態。」

化妝:Jenny Man of Jennymanmakeup

髮型:Calvin of i HAIR.NAILS




鍾意就快D Share啦!