網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年3月2日 星期六

華姐2019:華姐紅氈激戰!藍衣雙詩惡鬥黑峰雙煞 __,華姐,

《2019國際中華小姐競選》今日舉行,紅地氈係靚女花旦爭艷之地!今年分出藍衣、黑衣兩派!「藍衣雙詩」代表有麥明詩同埋邵珮詩,兩位以靚女藍色戰衣上陣,同 ...


《2019國際中華小姐競選》今日舉行,紅地氈係靚女花旦爭艷之地!今年分出藍衣、黑衣兩派!

「藍衣雙詩」代表有麥明詩同埋邵珮詩,兩位以靚女藍色戰衣上陣,同樣谷出無敵事業線,邵珮詩條裙心口位置雖然有薄紗擋一擋,但若隱若現,同樣養眼!

「黑峰雙煞」代表有苟芸慧同張秀文,兩個都係有料之人,啱啱做人妻嘅苟芸慧冇收埋好身材,婚後繼續大解放,套衫唔知有冇畀老公過甩呢?至於咪神張秀文繼續晒好Body,夾出Y字胸,問你死未?

張秀文唔同佳麗爭

張秀文接受訪問,問到係咪覺得天氣熱,所以咁少布?佢話:「邊係呀,不過今年冬天的確唔係好凍。(咁係咪想搶佳麗鏡呀?)唔係,我好低調。」佢仲大讚一班佳麗身材好好:「佢哋先係主角,(你做評判,係咪會先睇佳麗身材?)會睇比例,我唔係太喜歡瘦,覺得有啲肉地會更加好。」

至於麥明詩,問到佢今日谷得咁勁,係咪墊咗好多嘢?佢話:「今日唔係你哋諗墊嗰啲,係墊高咗鞋踭,因為另兩個司儀袁文傑同陸浩明都好高。(着到咁唔驚走光?)唔驚,啲佳麗仲性感,以我參選經驗,佢哋走光機會仲大。(有冇心水佳麗?睇外表就睇好(4)王慧媛,(11)謝曉穎跳芭蕾舞好叻,身形亦好靚,(3)段薏丹我都鍾意。」


來源 source: http://hk.on.cc
鍾意就快D Share啦!