網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年3月18日 星期一

亞洲電影大獎2019:C2:役所廣司雙料影帝惠英紅奪女配 __,亞洲電影大獎,惠英紅,

昨晚《第13屆亞洲電影大獎》賽果揭盅,英皇電影《紅海行動》勇奪「2018年最高票房亞洲電影」,至於影帝由日本男星役所廣司奪得,影后則是哈薩克女星Sam ...


昨晚《第13屆亞洲電影大獎》賽果揭盅,英皇電影《紅海行動》勇奪「2018年最高票房亞洲電影」,至於影帝由日本男星役所廣司奪得,影后則是哈薩克女星Samal YESLYAMOVA,惠英紅為港爭光奪女配。

《第13屆亞洲電影大獎》昨晚在將軍澳電視城舉行,多個亞洲地區的電影人出席,活動主題是「電影修復.經典重燃」。最佳男主角由《孤狼之血》日本男星役所廣司贏得,撼贏《無雙》郭富城及《我不是藥神》徐崢,役所廣司同時獲頒卓越亞洲電影人大獎,雙喜臨門。他得卓越獎後表示得獎前心情緊張,要多謝跟他合作過的演員及工作人員,亦感激家人給他不少靈感。他在後台受訪時坦言沒想過連奪兩獎:「我依家好鍾意香港呀!(之後有咩計劃?)用呢兩個獎鍛煉肌肉。」說罷即搞笑地將獎座當啞鈴舉上舉落。

曾美慧孜大熱倒灶

最佳女主角方面,最近憑陳果電影《三夫》贏得多個影后獎項的曾美慧孜及內地藝人趙濤均落敗,由俄羅斯、德國、波蘭、哈薩克斯坦及中國投資《小傢伙》的哈薩克女星Samal YESLYAMOVA得獎,原來她生完BB後5日即拍電影,非常搏命。此外,最佳男配角是《我不是藥神》的內地男星章宇。

過去在各大頒獎禮曾三奪「最佳女配角」獎的惠英紅,今次憑《翠絲》四度膺「最佳女配角」!曾於2010年獲得「最佳女配角」及去年獲得「卓越亞洲電影人大獎」的她說:「能夠參與一部有創意又培育新人嘅電影好榮幸,多謝導演同其他演員對我嘅信任,多謝評審,今個係我第三個亞洲電影大獎嘅獎項,但我唔會鬆懈,繼續拍多啲好戲。」她在後台受訪,提到之前曾講過得獎會上載比堅尼相,她說了幾聲「慘喇」才說:「我要返屋企搵相先得,唔想甩大牙,年紀大甩牙就好慘。(依家返去影?)上年影咗,私人珍藏仲熱辣辣,但驚好多負評,變負皮王呀!可能要打格仔,打比堅尼上下位,一係打個樣,咁就有覺好瞓。(如果金像獎攞獎會點?)唔通一點式咩?我係老奶奶,唔好搞我,當冇件事」

楊受成想拍續集

英皇電影《紅海行動》勇奪「2018年最高票房亞洲電影」,由英皇老闆楊受成上台領獎。他直言獎項很有意義,問會否對林超賢新片《緊急救援》更有信心?他說:「會呀!之後會去墨西哥拍幾個月,我都會探班支持,拎埋個獎畀林超賢睇。(《紅海》拍續集?)有傾過,內地海軍都想,但要準備兩、三年,係唔容易嘅事。」而「最佳新演員」由《紅》片黃景瑜奪得,他上台前與楊受成主動握手,特別感謝楊受成、林超賢及戲中所有兄弟,最難忘在摩洛哥拍外景時遇上大風沙和暴曬,非常艱辛。

至於「最佳電影」是康城電影節金棕櫚獎得主《小偷家族》,「最佳導演」則由《燒失樂園》的李滄東贏獎。

更多新聞,請瀏覽東方日報網頁:

https://orientaldaily.on.cc/


來源 source: http://hk.on.cc
鍾意就快D Share啦!