網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年3月6日 星期三

《降魔的2.0》開拍喇!原班人馬演出仲加入幾個新角色 __,

降魔的
《降魔的2.0》開拍喇!原班人馬演出仲加入幾個新角色前年台慶劇《降魔的》大受歡迎,更在台慶頒獎禮上奪得「最佳劇集」㖭!套劇叫好又叫座,TVB食住個勢開 ...


《降魔的2.0》開拍喇!原班人馬演出仲加入幾個新角色



前年台慶劇《降魔的》大受歡迎,更在台慶頒獎禮上奪得「最佳劇集」㖭!套劇叫好又叫座,TVB食住個勢開拍續集,暫名為《降魔的2.0》,續集基本上係原班人馬演出,另外仲加入唔少新角色,一齊睇睇有咩新鮮嘅面孔加入





撰文:東方新地 圖片:新傳媒圖片、何遠東Instagram

《降魔的》開拍續集!

去年台慶劇《降魔的》播出後深受歡迎,套劇講述一個有陰陽眼的的士司機馬季(馬國明飾)會接載「其他空間」的生物,當中穿插著降魔情節和一些感人的愛情和親情故事,靈異與感動集於一身!而在去年《2019無綫節目巡禮》上,TVB公佈開拍《降魔的2.0》的消息,主要由原班人馬演出,也會有新角色加入!

《降魔的》
馬國明話最開心《降魔的2.0》就係起碼無換到一班幕後人員,監製同編審都係一樣,相信合作時會更有默契!



馬國明去年只得一套《深宮計》出街,但今年將會有三套劇演出,包括《白色強人》、《C9特工》及《降魔的2.0》!

黃智雯 有更強捉鬼能力

早前《降魔的2.0》喺電視城進行開鏡拜神及試造型,相信劇迷最想知道係咪原班人馬演出?有咩角色加入?續集會加碼去到25集!小馬、芷若、啤啤、石敢當、Key man、莉莉、晶晶、紅眼魔之母都喺度,續集都加咗唔少新角色!

降魔的

《降魔的2.0》的開鏡拜神大日子,劇中要員馬國明、黃智雯、胡鴻鈞、劉佩玥、謝雪心、鄧佩儀、譚嘉儀、C君、馬海倫、何遠東、李君妍、監製方駿釗、編審羅佩清齊齊出席!

其中黃智雯將延續上輯「芷若醫生」角色,當中將面對更多生離死別及死亡故事,她早前接受訪問時話:「仲有一樣好特別嘅嘢,就係今次我多咗一個新能力去附助小馬(馬國明扮演)去降魔伏妖,但係乜嘢就要賣關子先,暫時都唔係拍得好辛苦,只係日夜癲倒開大夜班,同埋拍好多坐的士、恐怖情節嘅場面。」



上一輯芷若醫生臨尾有不少動作場面,不過續集就冇乜打戲,Mandy透露劇裡仲有好幾場好感動嘅戲,佢話「因為特殊能力可以感應周邊的事,所以好多時候拍,要自己幻想和空氣做對手戲。」



馬明 演活馬季

至於馬明喺《降魔的》飾演的士司機馬季,去到續集都係演小馬馬明,之前佢喺《降魔的》演技大爆發,雖然最後都失落於視帝,但唔少人對馬明刮目相看!

降魔的

花旦凋零,黃智雯成TVB力捧花旦,《降魔的 2.0》更成今年無綫重頭劇之一,佢同小馬喺續集會再續前緣。





何遠東 客串現身

何遠東在《降魔的》的龍貓已經去世,但佢喺《降魔的2.0》會以龍貓的身份再度出現,何遠東就話唔能透露太多,但主要係會同馬國明、蔣志光有對手戲!



降魔的

何遠東喺《降魔的》飾演的士司機龍貓,劇中講述坐喺的士嘅佢畀跳樓嘅人壓死,遺下嫩妻和子女!

蔣志光 再次現身

莫有為(蔣志光飾)喺上一集被高壓電電死,估唔到喺續集都有份演出,但未知係做人定扮鬼喇?!





鄧佩儀 麥凱程

講到新面孔,係喺番外篇嘅有份演出嘅鄧佩儀同麥凱程!



C君

C君有份演出,仲會做隻咸濕鬼,但有超高能力,黃智雯透露:「有C君會保護我,那些粗重功夫和高難度的動作就留畀C君做,我主要做催淚,故事去到後段我會和小馬一起去闖難關。」

譚凱琪

靚女譚凱琪會加入同芷若、啤啤爭小馬,馬國明真係好艷福!



石敢當冇咗!胡鴻鈞飾演豪仔

喺上一輯演石精靈「石敢當」嘅胡鴻鈞,已經完成使命唔會出現,而喺續集佢會以豪仔身份出現,不過今次都係同馬國明勁多對手戲,但佢透露一開始其實二人是敵對關係。



睇番《降魔的》尾聲,馬季去到十字路口大叫「石敢當」,但石敢當最終冇出現,當馬季返回的士時,坐後座的胡鴻鈞話:「小馬,你不認得我了?」馬季反問:「豪仔?」睇嚟係留伏線!

胡鴻鈞話拍上集已經係2、3年前的事,今次續集再聚仲加上有新演員,好溫馨的感覺。



劉佩玥 啤啤翻生?

飾演「啤啤」劉佩玥喺《降魔的》講佢被焗死,估唔到佢喺續集都再現身,仲同芷若爭小馬!



張彥博 反串演出

早前在《跳躍生命線》飾演的「雄姐」嘅張彥博(Bob),在社交網分享拍攝新劇《降魔的2.0》的造型,見他裝「胸」作勢帶上假髮扮女人,佢留言:「豁出去了,抱歉…讓大家難受 #降魔的2.0 真·妖~」原來佢都有份客串演出!



林凱恩 懷魔種

林凱恩更懷有其骨肉,監製稱會有延續,但BB是否魔種或能否出生,則不會劇透。



趙永洪離巢冇份

續集籌備了一年,TVB人事變動也有發生,所以一年後還能聚集原班人馬演《降魔的2.0》是不容易的事情,好似飾演陸嘉一「些粉」的趙永洪因為已離巢,角色冇得復活。



黃子恆 有得留低

於年前無綫劇集《降魔的》有份演出的黃子恆,今天未見他出現新一輯《降魔的2.0》的造型活記者會,有鑑他與大陸女粉絲Michelle的桃色新聞,有傳令到對方墮胎的負面新聞,問監製方駿釗是否將他飛出劇組,監製表示黃子恆於新一輯屬於客串,戲分不多,至於上一輯他演的角色被惡魔附身,而林凱恩更懷有其骨肉,監製稱會有延續,但BB是否魔種或能否出生,則不會劇透。



2018年黃子恆鬧出與粉絲發生性關係嘅桃色新聞,導致形象受損,唔少人以為佢喺續集被叮走,但原來唔係,黃子恆喺開鏡嗰日雖然冇現身,但監製方駿釗話黃子恆在《降魔的2.0》會客串演出,戲份不算太多,都是劇情的需要才這樣安排。



黃子恒被爆偷食內地女fans,對方仲聲稱懷有佢BB!

回顧《降魔的》6大好戲之人 主角配角演技大爆發!

龍貓-何遠東飾

龍貓死後見到自己的家人與朋友,得知朋友們善待自己的妻兒,而且對自己滿懷思念,內心十分感動。而他熱淚盈眶地表達自己的心聲時,「我這輩子沒甚麼成就,可大家都還記得我,聊起我,都是歡笑和開心的事,那麼最起碼我也是一個不錯的胖子」,感人催淚。



降魔的 龍貓 何遠東 些粉 趙永洪 馬季 馬國明

何遠東把這個好好先生的角色演繹得非常好,角色是一個平凡的人,但他的性格行為卻深深地刻劃在親人朋友的心中。有時候錢,成就又是不是那麼重要呢?其實只要有一班感情深厚的朋友知己就可以滿足了。



降魔的 龍貓 何遠東 些粉 趙永洪 馬季 馬國明

些粉-趙永洪飾

些粉要去捉精靈,龍貓停車等他不幸中「頭獎」,遭兩人從天而降壓在的士車頂,結果死亡。些粉回頭望見龍貓慘死,當場呆滯。當醫生宣布龍貓正式死亡時,內疚,恨天不公的心情充斥全身,真情流露,怪罪自己捉精靈,死的應該是自己。



趙永洪在這部分的演技真的是大爆發,由一開始見到龍貓死亡的那種呆滯,然後由呆滯到怨恨自己的無能,怨恨天的不公,最後再到傷心與怨悔集合,淚腺爆發;一層又一層地剖析內心的情感,自然不造作的喊技令人動容。



馬季-馬國明飾

馬季知道力哥力嫂原來是自己的親身父母的鬼魂,他們一直都陪伴在自己的身邊,馬國明沒有一下子就爆發自己的情感,而是把自己的感情深深地壓抑在心中,只是滿淚盈眶地喊著媽媽,整個人好像在迷失當中。



之後阿moon趕到,馬國明這時才在木無表情的臉上留下一滴眼淚,雖然沒有大嚎大哭,但麻木地流出眼淚更令人感到心痛。這一幕充分地顯示出馬國明成熟的演技,悲傷不只是力竭聲嘶,男人眼眶中布滿眼淚更受感染。



力哥力嫂-金剛小儀

力哥力嫂在30年前葬身於麵檔大火,但由於他們並不知道自己已死,因此一直不斷重複過著昔日生活。雖然他們不知道自己已經死亡,但其實鬼魂一直都是陪伴在馬季身邊,守護著他。



這兩個角色雖然出現的時間不多,但已經深受市民的喜愛。他們愛護兒子的演技更是大獲好評,不管是他們拒絕承認馬季是自己的兒子,還是得到解脫之後的深情對話,都令人感觸萬分。



毒男鬼-洪永城飾

洪永城客串一個迷戀貝貝娜的鬼魂,他是後援會會長,洪永城在車上伸長條脷非禮貝貝娜。而他的毒男性格演繹得入形入格,不管是被打重要部位出現的高潮眼,還是要去炫耀這件事的興奮表情,都動感十足,完全是一個毒男形象,根本做番自己。不知之後會否重遇這個毒男鬼魂呢?



演員合體跳喪屍舞

《降魔的》深受觀眾歡迎,結局仲留有伏線,套劇嘅編審早喺2018年初透露,已有續集的初步構思,連劇名都有,若在頒奬禮攞奬會加添開拍嘅機會!因此劇集一眾演員當時就拍咗條片叫《降魔的之攪咩鬼習作》齊齊跳舞!《降魔的》劇集一眾演員「小馬」馬國明、「芷若」黃智雯、「龍貓」何遠東、「石敢當」胡鴻鈞、「莉莉」譚嘉儀、「展明」黃子恆、「佩玲」林凱恩、「晶晶」謝雪心及「有為」蔣志光齊齊現身,各人相繼做出撻匙、校倒後鏡、扣安全帶、揸車等嘅動作,加埋背景音樂係〈到此一遊〉,係人都知佢哋想扮喺的士入面



而片中另一亮點就係黃智雯大跳勁舞,雖然便服上陣,但係有舞蹈底子嘅佢跳得非常誘惑同吸睛,最後「天然呆」馬國明就同其他演員扭身扭勢切入鏡頭!而片尾就傳來一句:「十字路口有落呀唔該!」同埋「收到!」睇完條片真係好期待呀!



「龍貓」何遠東之後又喺IG上載大合照同留言:「基於要多謝大家對《降魔的》嘅支持,我地(哋)又點可以唔做多少少嘢去報答大家呢?嗱,真係少少少少!又基於一篇千字文岀現,我地(哋)又點可以唔準備少少片花,去吸住大家個睛呢?嗱,條片真係會吸睛㗎!究竟有冇《降魔的之XXXX》,就睇大家」



編審爆開拍繼續集

「第2屆觀眾在民間電視大獎2017」有結果,《降魔的》成為大贏家,共奪9個大獎,包括民選最佳劇集﹑馬國明膺民選視帝﹑而《降魔的》編審羅佩清則獲「民選最佳劇本」。編審羅佩清仲喺facebook發千字文除了感謝劇迷支持,仲透露計劃拍續集,連劇名都諗好,叫《降魔的之十字路口》,真係好消息!










鍾意就快D Share啦!


Related Posts Plugin for WordPress, Blogger...