2019年3月29日 星期五

安志杰囡囡3歲生日會 型男契爺齊出席! __,安志杰,

安志杰
安志杰囡囡3歲生日會型男契爺齊出席!藝人安志杰同老婆JessicaC.2015年奉女成婚,轉眼大女Tessa已經3歲,安志杰同JessicaC.仲特登 ...


安志杰囡囡3歲生日會 型男契爺齊出席!



藝人安志杰同老婆Jessica C. 2015年奉女成婚,轉眼大女Tessa已經3歲,安志杰同Jessica C.仲特登幫佢搞咗個生日會,席上除咗有一班好朋友之外,Tessa嘅契爺們都有出席,令網友紛紛表示羨慕Tessa細細個已經「艷福無邊」!

撰文:Kayla(原文:SundayKiss)|圖片來源:instagram、微博、新傳媒圖片





安志杰囡囡3歲生日會

生日會當日Tessa身穿美人魚裝,同爸爸媽媽、細佬Elvis一齊慶祝生日,平時錫到佢燶嘅契爺伍允龍同吳建豪都有出席。見到契爺們大隻又靚仔,令網民都覺得非常羨慕,話Tessa人仔細細就已經係「人生勝利組」,萬千寵愛在一身。



安志杰、吳建豪、伍允龍三個「Frirend過打Band」,自然對安志杰囡囡Tessa寵愛有嘉,吳建豪、同伍允龍不時都會探望契女,仲會幫手做埋「湊女公」,無微不至咁照顧Tessa。



爸爸安志杰同契爺伍允龍都係武打明星,唔知等Tessa大個咗會唔會教返佢幾招傍身?



伍允龍同吳建豪仲不時會噝社交網站上分享同Tessa嘅「甜蜜時刻」,Tessa年紀細細就已經被男神包圍,相信大個擇偶標準一定會變得好高!

真係好Sweet!



2017年10月,安志杰同Jessica C. 喺美國補辦婚禮,吳建豪同伍允龍當然幫手做兄弟,見証安志杰嘅人生大事。



切餅慶祝囝囝兩個月大

JC今年6月為老公安志杰誕下囝囝Elvis,由一家三口變做四口,兼湊成個「好」字!話咁快,囝囝就已經2個月大,一家人仲齊齊切蛋糕慶祝!安志杰呢家人一向行事大方示人,同囝囝慶祝生日亦唔介意公開Elvis兩個月大嘅樣俾大家睇,見到家姐不時情深望下細路,呢家人堅sweet呀!



公開囝囝正面照

除咗Elvis個側面樣,媽咪JC仲擺咗張囝囝嘅正面相上網,正式公開Elvis個樣俾大家睇清楚,唔少人就話Elvis似老竇,唔知大家點睇呢?不過除咗囝囝個樣吸睛外,JC手上帶住隻介指都非常吸引眼球注意!

Elvis同個維尼熊蛋糕一齊影相,見佢都好淡定咁望鏡頭微笑,真係有面對鏡頭嘅觸覺呀!



之後JC仲post出老公逗囝囝玩嘅一幕,父愛爆燈嘅安志杰勁識氹呀囝開心,Elvis笑到停唔到口,cute到爆!

JC為老公誕下8.8磅巨B

30歲嘅 JC於本月19日作動及順產誕下8.8磅B仔,安志杰稱太太JC整個生產過程非常順利,入產房十幾分鐘BB就出世,而且BB出世一刻,特登推掉幾個工作陪老婆生B,並對囝囝是個巨B感到十分驚喜,全家上下都好開心,又感謝上天送一仔一女俾佢。



據安志杰稱,B仔重8.8磅,身長53cm,醫生都話好勁,好少有咁大巨B。另外,佢亦已同仔仔改名,Elvis,並有趣地與已故美國搖滾樂巨星「貓王」皮禮士同名。

啱啱出世嘅Elvis雖然雙眼合起,但嘴仔望落好似笑緊咁。



老竇安志杰用強而有力嘅臂彎,溫柔抱住剛出世嘅囝囝。

JC未知會否再生B

據知JC生完兩日就已經出院,佢亦感謝家人及朋友關心,以及上天俾佢咁大福氣,有咁多人陪佢待產。至於會唔會再生,JC就話順其自然,因為就算再生都要等一段時間。



聽講2歲姐姐Tessa見到細佬第一眼,就已情不自禁咁不停錫細佬,對細佬又好細心,Tessa一定會係個好家姐!

Tessa又眼定定望住細佬Elvis,相信兩姊弟將來感情會好好!



一向愛錫老婆嘅安志杰錫錫JC做「獎勵」,一家四口幸福滿瀉!

JC同B仔合照,好溫馨啊!



而安志杰妹妹亦有上載去醫院探JC嘅合照,據知安志杰媽咪同細妹特登喺外國飛返嚟睇BB出世,而相中見到JC餵緊人奶,完全零遮掩,大方示人!

慈父安志杰 教女刷牙好有愛

曾以「警鐘胸」聞名嘅名模JC正為老公誕下囝囝,加埋大女Tessa,正好湊夠個「好」字。

Jessica Cambensy(@jesscambensy)分享的貼文 於  張貼





JC在IG Story上載短片,片中老公安志杰為咗教導囡囡Tessa清潔牙齒嘅重要,夜晚喺廁所陪佢一齊刷牙,見Tessa跟住爸爸一齊向上刷、向下刷,眼碌碌咁好可愛!

兩父女一路刷一路對望,之後女兒Tessa覺得有爸爸陪刷牙好開心,邊刷邊笑!而安志杰怕囡囡企馬桶太高會跌親,一直用手扶住小手,好細心!



女兒Tessa都忍唔住向媽咪報以甜笑⋯

而契爺伍允龍日前都有去探吓契女Tessa,一見到佢仲忍唔住錫錫㖭!

Philip Ng 伍允龍(@straightblast5)分享的貼文 於  張貼

早前Jessica C.已為慶祝自己生日,放出大肚性感相,今次佢趁住陀B到38周卸貨在即,再晒出數張性感孕照,力證其實大肚都可以好索!

Final stretch (literally). Any day now, my son.😉 It’s been another beautiful journey.🙏🏼#secondpregnancy #38weekspregnant #stillwaiting Photo by the one and only @oliviatsanghk Hair by @garysun Make up by @phoebeaki



Jessica Cambensy(@jesscambensy)分享的貼文 於  張貼



但另一張相所見,正大肚谷奶嘅JC似乎一手不能掌握自己嘅「警鐘胸」,疑似露出少許乳暈。

懷孕

JC美好身段表露無遺,大肚嘅佢半裸上陣只用手臂遮胸,疑似走光露乳暈!

另一張側影見到巨肚加巨躉。



早前JC已開始晒出不少大肚靚相。

Jessica Cambensy(@jesscambensy)分享的貼文 於  張貼

JC大肚手腳依然纖幼,認真係一名索爆孕婦!

JC嘅懷孕照則以黑白色為主,有別於一般色彩鮮豔嘅照片,非常有特色!

Jessica Cambensy(@jesscambensy)分享的貼文 於  張貼





安志杰哂六舊腹肌 影一家四口照

而老公安志杰亦放出一張一家四口嘅相,相中可見以內衣及內褲上陣嘅JC露出巨肚,躺在有六舊腹肌半裸嘅安志杰懷中,而女兒Tessa則輕撫着媽咪個肚,非常溫馨。

而另一張則係懷孕老婆JC緊緊抱住女兒Tessa,望落女兒同媽咪都有幾分相似,一樣係個美人胚子。










鍾意就快D Share啦!
Related Posts Plugin for WordPress, Blogger...