藝人李泳漢與李泳豪兩兄弟拍住上，每人分別投資6位數字於旺角開設拉麵店，昨日（17日）進行剪綵儀式。兩兄弟希望幾年內開設四至五間分店，擴大飲食版圖，但地點希望集中在旺角，因不想在港島區捱貴租！
李泳漢與弟弟李泳豪在旺角開設的「阿久根和牛拉麵屋」本月20日正式開業，母親施明、父親李家鼎、李泳漢太太Conny及一對子女Alfie及Charlotte 撐場外，藝人楊明、劉倬琦、何啟南及易智遠等亦有出席，吸引大批市民圍觀，場面熱鬧。踏正吉時，兩兄弟與一眾拍檔剪綵，並齊齊揭起紅紙，祝願生意興隆。
各投資6位數
今次兩兄弟首次拍住上做生意，泳漢指因弟弟經常到日本飄移兼喜愛當地，故希望將日本拉麵文化帶來香港，所以今次各投資六位數字與友人合資，並希望可以在未來幾年開設四至五間分店，擴大飲食版圖。泳豪說：「之前想一年內，但依家想呢未來幾年，地點會揀番旺角區，港島嗰邊有傾過，但租金貴啲。」問到是否會搞上市？泳漢笑言：「嘩！要慢慢嚟。（你哋係咪諗住三父子搞飲食王國？）唔敢講，爸爸勁好多。」泳豪則指承大家貴言，坦言每一日都在學習當中：「我鍾意咗做生意，依家都係邊做邊學，去學習經營。（ 難分配時間？）依家拍緊《愛．回家》，都係朝9晚5，夜晚收工就會過嚟。」泳漢補充，拉麵店正處於試練階段，希望可以捉摸到香港人口味：「拉麵店都會一直有新嘢推出，試吓大家反應係點。」
至於久未露面的劉倬琦，指去年已從美國返港， 今次除了支持兩兄弟，更因正籌備網絡電影，故力邀泳豪等演出：「故事係講酒樓，睇吓佢哋畀唔畀面。」而本身開設燉湯店的楊明，表示希望可與兩兄弟合作，而他即將要到外地開拍節目《打工捱世界》，雖然要與女友分隔兩地，但笑言為了工作沒辦法。
必食消夜好去處蝦湯麵日限40碗
李泳漢與李泳豪兩兄弟首次合作開拉麵店，設有拉麵及沾麵供選擇， 主打當然是雞白湯及濃蝦湯，泳漢說：「我哋啲材料全部都係來自日本，A4和牛雞白湯係用日本走地雞熬出嚟，好鮮甜，加上A4和牛口感好正。另外仲有蝦湯麵，蝦湯好鮮味，我哋做得好仔細，會將蝦出咗蝦油先再熬，上碗時再加入蝦油，個味會更出、更香濃，因為湯底要儲番嚟，所以每日只限量40碗。」
店舖面積雖不大，但經過精心設計，十分寬敞，泳豪說：「我哋想設計有啲特色，又想空間感大啲，唔想啲客食完就走，今次做到好似拉麵酒場。」店舖營業時間至凌晨12時半，加上有酒牌，是食消夜最佳選擇，泳豪說：「呢度有個Open Area，可以三五知己聚一聚，坐低飲杯酒傾吓偈。」
|
鍾意就快D Share啦！
|
|
|
