藝人陳煒（煒哥）聯同《法證先鋒IV》一班主要演員黃浩然、黃心穎、朱晨麗（朱朱）、李施嬅、譚俊彥、鄭俊弘、海俊傑和鄭希怡等拍攝最後一集着婚紗場口，這場是重頭戲，陳煒的婚紗Look更「索到爆」，將事業線推上高峰，「陪嫁」的心穎都一樣「晒線」，而朱朱則露背來「搶灘」。
講到煒哥「谷到盡」上陣，她笑言：「係呀，件衫好緊，但都要食嘢，一定食飽先開工。今日係拍Ending同譚俊彥拍結婚戲，可能監製小青姐（梅小青）知道我哋個個女仔恨嫁，所以特登安排場戲畀我哋個個都着婚紗，可以用人生中最靚一面見大家。」
問可有在拍攝前挑選自己喜愛的婚紗？煒哥謂：「有嚟試衫，導演就要求我嘅裙襬要勁啲。（有冇要求你騷事業線？）係試咗幾件，佢就覺得呢件最適合。」問朱朱只晒背？朱朱解釋：「冇前都有後喎！咁都係導演揀嘅。（將來結婚就留畀老公揀？）睇吓啱唔啱身，都要問吓父母意見，唔可以太暴露嘛。」煒哥忍不住問：「咁老公都問准父母？」朱朱謂：「梗係要啦。」
朱晨麗父母讚何廣沛乖仔
問可有帶過緋聞男友何廣沛（Matthew）見父母？朱朱笑謂：「公開場合見過，都讚佢乖仔嘅。（食飯見家長？）唔使講得咁仔細，一陣冇人追我喇！（仲揀？）冇得揀，我有得揀咩，又冇得選擇，下套戲又對住佢（Matthew）咯。」朱朱冇得揀，但煒哥有得揀？煒哥笑言：「我收工就去多啲街揀吓先。」朱朱提議她揀小鮮肉，加上煒哥又靚又懂得下廚，不妨一試。煒偉笑言：「咁年紀最多相距5年都接受到嘅。」
來源 source: http://hk.on.cc
|
鍾意就快D Share啦！
|
|
|