掃呢頁CODE去手機

2019年3月8日 星期五

何超盈:四太證何超盈佗豬B:等佢生咗先搞婚禮 __,何超儀,何超盈,四太,梁安琪,

現年28歲的賭王何鴻燊四房千金何超盈自上年宣布與ThomasXin拍拖,據知Thomas是哈佛大學出身,性格活躍,曾為哈佛劍道會會長。隨後再爆出已訂婚 ...


現年28歲的賭王何鴻燊四房千金何超盈自上年宣布與Thomas Xin 拍拖,據知Thomas是哈佛大學出身,性格活躍,曾為哈佛劍道會會長。隨後再爆出已訂婚,近日她身形暴脹即傳出有喜的消息!

這個喜訊終於得到超盈媽咪四太梁安琪證實:「本來呢個消息我想等佢自己宣布,佢亦諗住喺我就嚟生日(23號)時畀個surprise我,(咁佢有咗幾多個月?)呢啲等佢自己講啦,(咁佢有咗你幾時知?)我唔係知咗好耐咋,因為佢之前去左美國一段時間,返咗嚟之後,我見佢肥咗,我仲叫佢減肥,點知佢就話:『我總之會畀個surprise你啦』,我即時就明咗啦。(係仔定女?)未講喎,(好滿意呢個女婿?)佢真係幾好,我替我個女開心,佢係一個上進青年,對我個女好好,佢哋兩情相悅,(咁會送咩禮物畀佢哋呀?)我等緊佢哋送禮物畀我,生日畀個大surprise喎,我等緊,佢哋可能買間屋畀我呢,我講笑咋!(咁怕唔怕啲人對於你個女未結婚就有BB會非議呀?)因為今年係盲年,我信呢樣嘢,唔想佢哋結婚住,況且舊年佢哋已經訂咗婚,等過咗盲年先,先搞婚禮,始終都係想佢哋好。(何生知道未?)知道啦,何生好開心,佢仲豎起大拇指祝福佢哋!舊年超盈訂婚之後,去探爹哋嘅時候畀佢睇手機入邊嘅訂婚片段,當時何生好開心。」

而超盈亦回覆東網表示:「係開心事,總之我都係話有個surprise畀媽咪,到時大家唔使估估吓,仲有乜嘢你就問我媽咪啦。」據知超盈有咗剛剛過咗3個月,會於年底誕下豬年BB。


來源 source: http://hk.on.cc
鍾意就快D Share啦!