掃呢頁CODE去手機

2019年3月26日 星期二

【鹹濕天王】「淫賤不能移」成經典 曹查理拍三級片為出位:覺得一定紅 __,曹查理,

80、90年代擅演賤男、鹹濕猥瑣角色,被封鹹濕天王和三級片天王的曹查理,近年轉戰夜場登台搵真銀。日前他在美國三藩市接受《蘋果》專訪,分享自己由港產片黃 ...


80、90年代擅演賤男、鹹濕猥瑣角色,被封鹹濕天王和三級片天王的曹查理,近年轉戰夜場登台搵真銀。日前他在美國三藩市接受《蘋果》專訪,分享自己由港產片黃金年代月賺270萬,到炒股一鋪清袋後,經歷人生谷底點滴。



現年69歲的曹查理,是張智霖舅父,82年憑一輯「拔蘭地」廣告而被看中,獲邀拍電影,多年來拍過中港台電影逾200部,包括《警察故事》、《精裝追女仔》、《最佳損友》等等,其中在成龍主演的《警察故事》中,飾演販毒集團首腦楚原手下,被成龍打爆眼鏡一幕叫人大快人心;另外,曹查理在《整蠱專家》飾演藥房店員,賣催情藥「淫賤不能移」予星爺一幕,戲份雖然不多,但最為人津津樂道。



一講「淫賤不能移」,曹查理不禁笑說:「嗰個真係出位,周星馳話『我拍咁耐電影,拍一組鏡頭就俾查理殺個片甲不留。』」曹查理自言最喜歡的作品是成龍《警察故事》和《最佳損友》這些早期作品,他說﹕「咁多部電影入面,《警察故事》令我知名度高咗好多,因為我做反派,成龍都話打曹查理點解全場會拍掌。」



那些年港產片黃金年代,曹查理在演藝圈風生水起,接戲接到手軟,他說:「一日開3組戲,每組收3萬蚊,一個月袋270萬。嗰時深圳啲屋仔2萬7千蚊(人民幣)一間,我每拍一組可以買一間,我唔係好相信,都係唔投資大陸,咁就後悔啦,如果嗰時每日買一間,今時今日我已經不得了。」當年曹查理同時兼拍8部戲,產量僅次於9部電影在身的吳君如,「太多錢搵,冇時間使錢,日日收支票畀老竇入銀行。內地好多政治禁忌,台灣想拍又冇資金,惟獨港產片『24小時營業』。」



既然生活無憂,何以轉型下海拍三級片?歷年三級片作品包括《特區愛奴》、《我為卿狂》和《卿本佳人》等逾80部。



曹查理解釋並非為錢,而是心有不甘,他說:「嗰時我哋興起阿燦(廖偉雄)、大口青(王青)、吳耀漢、岑建勳,我哋呢啲咁靚仔就做反派,佢哋個啲個樣唔靚就做主角,我都有拍,但成日做反派俾佢哋恰嘅,我都冇得還拖,唔緊要啦,搵食啫,但拍拍吓唔對辦喎,因為賣廣告都係賣頂頭嗰幾個,我哋就冇嘅,所以我拍完成龍《警察故事》就轉拍三級片,佢哋冇可能拍三級片,我嗰時後生,我覺得一定紅!以前三級片係遮遮掩掩,到我時咩都見晒,啲三級片就蜂擁而來。我冇仔女,唔使向下一代交代,所以我乜嘢都夠膽拍。」



1991年葉玉卿主演的三級片《我為卿狂》票房狂收870萬元,片中曹查理強姦日本AV女優村上麗奈場面最令觀眾印象深刻,該10分鐘場口,曹查理兼任導演,設計借位動作。「足足拍咗12個鐘,村上拍到喊,一度要求『嚟真』,我話唔得,香港唔可以。後來連王晶睇過嗰一幕都話『查理你呢場戲真來嘅?』,我先至同佢講係假嘅。」因為這部電影,曹查理獲大陸人封為「民族英雄」,他說:「當年尤其喺南京好鍾意播呢部戲,仲會大字寫我(戲中大戰日女優)係『中國民族英雄』。」曹查理近年便靠這些知名度開拓內地市場,曾接拍電影,但大部份時間還是在酒吧登台唱歌。



拍三級片,外人眼中曹查理艷褔無邊,但他卻說有苦自己知:「我要『搵食』會自己出去搵,拍三級片呢,你哋睇就好似享盡風流快活,其實我覺得好慘,有得睇冇得食,仲有嗰時後生,你知道男性始終有生理狀態,一個靚女喺你面前除清光,你要同佢kiss撫摸,好多動作做出嚟,一定有個生理狀態,你知道男性生理狀態係見到嘅,每拍一個鏡頭,當你拍嘅時候,你由靜止狀態去到一個興奮狀態,拍完一個鏡頭好快就會cut,cut要再打燈,你要停落嚟,但我仍處於興奮狀態,立即搵毛巾冚住,剛剛降低時又埋位又拍,一日淨係升降升降都幾慘。」



昔日合作過的三級片對手,曹查理坦言對《禁房艷奇》的吳家麗動情:「吳家麗真係有感覺,我都覺得吳家麗嗰時好靚。」



自己拍三級片,所以外甥張智霖當年新入娛樂圈時,他總避談外甥:「喺中國人觀念中,三級片會影響好多嘢,認為拍三級片唔好,智霖入行時知名度未有,我同智霖講,你直認嘅話(對傳媒),我可能會影響到你事業前途,你唔使刻意隱瞞,但唔知道嘅話就唔使提。」



當年接戲接到手軟,理應身家豐厚,可惜因為投資失利一鋪清袋。「炒股票!97年前炒,突然爆煲輸晒。我賣晒啲屋,輸咗成千萬,辛苦儲埋啲錢,一個回頭冇晒。我冇輕生,冇離開香港,只係匿埋,朋友以為我死咗,家人都搵唔到我。但我靜落嚟之後重新再嚟過。」



現於香港定居的曹查理,經常返大陸登台演出,太太則移居溫哥華。近日曹查理獲邀到三藩市和西雅圖亮相做騷,並以「大豪客之夜」名義招徠,反應不俗。他說今次是為慈善出山:「慈善冇問題,如果其他嘅我就唔出嚟喇,我舊時做戲個樣比較蠱蠱惑惑,而家年紀大咗慈祥咗,好似生意佬咁。」他表示現在是退休心態,遇上喜歡的工作才做。



採訪:《蘋果》美國特約記者唐芷瑩、何俊霆



《蘋果動新聞》訂閱新世代,4月開始免費訂閱,現在接受登記!

http://bit.ly/2Ja3IXw

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI





曹查理在三藩市「大豪客之夜」演出。(主辦單位圖片提供) 曹查理在三藩市「大豪客之夜」演出。(主辦單位圖片提供)
曹查理大受女士們歡迎。(主辦單位圖片提供)

曹查理大受女士們歡迎。(主辦單位圖片提供)
曹查理日前在美國接受《蘋果》專訪。(攝影:唐芷瑩、何俊霆)

曹查理日前在美國接受《蘋果》專訪。(攝影:唐芷瑩、何俊霆)
日前曹查理在三藩市登台做慈善騷。(主辦單位圖片提供)

日前曹查理在三藩市登台做慈善騷。(主辦單位圖片提供)
 《整蠱專家》中賣「淫賤不能移」春藥予周星馳。 (網上圖片)

《整蠱專家》中賣「淫賤不能移」春藥予周星馳。 (網上圖片)
曹查理接受訪問時揚言當年為走紅而拍三級片。(主辦單位圖片提供)

曹查理接受訪問時揚言當年為走紅而拍三級片。(主辦單位圖片提供)
《色模》是曹查理其中一部三級片。 (網上圖片)

《色模》是曹查理其中一部三級片。 (網上圖片)
《整蠱專家》中雖然戲份不多,但十分出位。 (網上圖片)

《整蠱專家》中雖然戲份不多,但十分出位。 (網上圖片)
  三級片《特區愛奴》。(網上圖片)

三級片《特區愛奴》。(網上圖片)
14年拍電影《唐伯虎衝上雲霄》 演華太師。(網上圖片)

14年拍電影《唐伯虎衝上雲霄》 演華太師。(網上圖片)
在三級片《卿本佳人》中飾演葉玉卿上師。(網上圖片)

在三級片《卿本佳人》中飾演葉玉卿上師。(網上圖片)
曹查理《我為卿狂》強姦AV女優村上麗奈一幕最為經典。(網上圖片)

曹查理《我為卿狂》強姦AV女優村上麗奈一幕最為經典。(網上圖片)
曹查理是張智霖的舅父,年前亦有參予家庭聚會。(IG圖片)

曹查理是張智霖的舅父,年前亦有參予家庭聚會。(IG圖片)

鍾意就快D Share啦!