2019年3月29日 星期五

甄子丹首開腔回應一家受歧視內幕 慈善晚宴被不禮貌對待! __,甄子丹,

甄子丹
甄子丹首開腔回應一家受歧視內幕慈善晚宴被不禮貌對待!日前甄子丹以聯合主席的身分與老婆汪詩詩及女兒出席慈善晚宴,因感覺被不禮貌對待和種族歧視而拉大隊全家 ...


甄子丹首開腔回應一家受歧視內幕 慈善晚宴被不禮貌對待!



日前甄子丹以聯合主席的身分與老婆汪詩詩及女兒出席慈善晚宴,因感覺被不禮貌對待和種族歧視而拉大隊全家離場。其後事件更愈傳愈烈,甄子丹更最終為事件公開解話!

撰文:東方新地|圖片:新傳媒、甄子丹微博





甄子丹一家受歧視

話說,日前甄子丹與老婆汪詩詩及女兒盛裝出席慈善籌款晚宴,點知進場後,見到外國主辦單位大老闆與其他國家嘅賓客有講有笑,反而對其及其家人反應冷淡而感到被輕蔑,太太汪詩詩更因而感覺被不禮貌對待及存有種族歧視,憤而全家離場無聲抗議!



事後汪詩詩於個人社交網力指外國主辦單位唔公平,留言透露當晚受種族歧視,還加上Hashtag「#中國人不是東亞病夫」,明顯感覺侮辱同不被尊重。



事件發生後,有網民力撐中國人不可欺,讚汪詩詩留言表達不滿做得好,因為世界上有唔少人都因種族不同而被歧視,但亦又有網民針對汪詩詩衣著太暴露,指有欠莊重、不得體,所以對方先會作出如此舉動。



被爆內幕

不過,事件其後引嚟極大迴響,更傳出有公關及工作人員爆料揭內幕,如天機公關負責人鄭詩韻指主辦單位安排不周:「有人同我哋講佢枱位置好唔靚,當時冇人知道佢哋係星,當咗佢係一個普通賓客,冇人入去…但係聽嘉玲姐講去呢啲活動係要自己照顧自己。」

鄭詩韻

當晚有份出席晚宴賓客



之後亦有匿名者表示:「為宣傳電影屈人歧視,依家班鬼佬嬲到爆炸,被人話歧視仲嚴重過偷嘢,搞到咁大單野都唔知點收科」、「可能佢唔抵得嘉玲姐有得坐正中間嗰枱。」等,令事件愈鬧愈大!

當晚有份出席晚宴賓客

當晚有份出席晚宴賓客



劉嘉玲唔覺有大細超

至於當晚有份出席晚宴嘅劉嘉玲就話:「唔覺得混亂,呢種場合就係多人,要自己照顧自己,自己搵位唞下,明白人哋會搵你影相,但我ok。我唔覺得有大細超。」,但就指未知甄子丹真實情況係遇到啲咩事,所以就唔多講有關事件。



甄子丹首度回應

而當事人甄子丹亦見事件漸漸偏離真相,亦終於開腔回應事件,指晚宴場外因人多情況混亂,兼且無保安又無指示,所以佢同家人就進入會場,點知卻遭一名外籍女士好無禮貌咁叫佢哋一家出去,連團隊負責人都用不友善眼神望佢哋,之後對方就突然離開,連基本尊重都冇,所以先會忍唔住拉大隊離開,強調離場主因係受到不禮貌對待!



甄子丹昨日就喺微博借宣傳未上映嘅新戲《肥龍過江》表達感受,留言指:「真正的演員可華麗變身,就像水一樣。水倒入杯中就成了杯子的形狀,倒入瓶中就成為瓶子的形狀,倒入茶壺中就成為茶壺的形狀。而水能載舟亦能覆舟。像水一樣吧,朋友!」,語氣明顯放軟之餘,似乎話中有話!





即時回顧:

甄子丹15歲囡囡甄濟如星味十足

有「宇宙最強」外號嘅武打演員甄子丹與老婆汪詩詩結婚15年,二人育有現時15歲嘅大女甄濟如(Jasmine)及10歲嘅細仔甄濟嘉(James)。



星二代一向俾人印象都係外表出眾,而Jasmine有個多倫多華裔小姐冠軍嘅媽咪,自然都一樣愈大愈靚女!



隨年月漸長,Jasmine更愈似媽咪,除遺傳得媽咪汪詩詩嘅靚樣同長腿外,更擁有爸爸藝術方面嘅才能!



能歌善舞

自小Jasmine已經學習鋼琴及跳舞,年紀少少已經踏足唔同大大小小嘅舞台進行表演,可謂經歷豐富!早前,Jasmine更喺慈善晚會上獻唱。相當有星味!



自細就跟父母出席無數大大小小場合嘅Jasmine一向見慣大場面,喺一家人嘅合照中,更發現佢依家更已經同媽咪差唔多高!

 



港版木村光希

Jasmine有一對名氣極高嘅父母自然會引嚟外界嘅關注,雖然年紀輕輕,但早排就被雜誌邀請拍攝一輯時裝相,相中見佢自信嘅pose,的確好有模待兒嘅天份,不禁令人覺得佢似港版木村光希!



至於父母見到個女幫雜誌影相影得咁有天份,甄子丹亦忍唔住講句:「小寶貝你長大了!」



然而,甄子丹一向指仔女學業都唔錯,同時更讚賞Jasmine天生就係喺幕前表演嘅人,指若要數到藝術天份,Jasmine先係最得佢藝術真傳嘅仔女,睇嚟對囡囡期望唔細!



據知,之前已有唔少經理人公司已經表示希望簽Jasmine,但爸爸甄子丹當時則未有首肯,皆因認為囡囡年紀仲細。不過,後來甄子丹又改口指「唔會特地為佢安排拍戲,亦唔反對愛女入行。」,真係好難捉摸喎!



同場加映:

嚴選13個最正星二代

李麗珍囡囡 — 許倚榕

李麗珍於96年與香港音樂創作人許愿結婚,被傳媒冠以「美女與野獸」組合,婚後育有一女許倚榕,至2000年,李麗珍與許愿離婚,女兒撫養權歸其擁有。

 



離婚後,李麗珍一手湊大倚榕,兩母女感情要好平日不時孖住去街,倚榕長得亭亭玉立,愈來愈似媽咪,果然女大十八變!



女大十八變

與前夫許愿婚後四年離婚,李麗珍多年來一個人照顧獨女許倚榕,最近倚榕私相簿外洩,原來女大十八變,21歲女極省鏡!



珍妹係一代性感女神,倚榕身材亦都深得媽媽真傳,再加埋識影相有角度呢,大長腿青出於藍。

中學至今被珍妹送到加拿大讀書,愈大愈靚的倚榕社交生活極精彩,男女朋友都唔少,仲有疑似男朋友仔攬腰又拖手。珍妹話囡囡都有帶過男友回家。



林子祥兒子 — 林德信

林德信現為獨立歌手,自資製作音樂。

星二代,明星,父母,明星仔女



湯鎮業一對孖生兒子 - 湯君慈及湯君耀

兩人寫由甄子丹主演的電影《大師兄》中跟爸爸關係惡劣的孖仔,在甄子丹的協助下才得以修補關係。而現實中,這對帥氣的孖仔原來是湯鎮業的兒子!



兩人是名校UCLA學生,修讀社會學及電影。孖仔幾年前的暑假返香港行騷,有報道指兩人嘅處男騷酬勞高達40幾萬,當中包括5個鐘頭嘅拍攝同1個鐘活動,以星二代來計真的好高!



湯鎮業女兒 - 湯愛嘉

同樣畢業於UCLA美國加州大學洛杉磯分校傳理系的湯愛嘉,生得又pure又true,一對大眼加個甜到漏的笑容。

 



 

梁家輝細女 - Chloe

Chloe擁有甜美笑容及fit爆身材,不過小編就覺得Chloe感覺上比家姐斯文內斂,比較有乖乖女feel!

2姊妹有點難分辨,不過因為妹妹未封盤,所以名次略高。



關禮傑女兒 -關楓馨

藝人關禮傑大女關楓馨(Fabienne)攻讀碩士學位智慧與美貌並重如果入行相信也非常有觀眾緣。



Fabienne與男友Kris Wood是大學同學,男友已經融入家中,而Fabienne亦不時與男友遊歷世界。



陽光女孩Fabienne經常遊山玩水,大晒泳照。

馬德鐘兒子 — 馬在驤

馬在驤身形一啲都唔差過馬德鐘!



仲係游泳健將!

苗僑偉女兒 - 苗彤

「三哥」苗僑偉與太太戚美珍兩人都是獨當一面的藝人,女兒苗彤便盡得兩人優良基因,五官精緻之餘,笑容相當迷人,唔少人都覺得佢有潛力加入娛樂圈!早年苗彤在著名學府英屬哥倫比亞大學 (UBC)畢業,三哥夫婦專誠飛到加拿大參加其畢業禮,幸福得羨煞旁人。苗彤讀書叻又靚女,贏晒!



三哥女兒苗彤在溫哥華大學修讀藝術,傳聞有指無綫高層鼓勵苗彤參加港姐,但佢更喜歡攝影工作,最後做埋港姐隨團攝影師,靚過港姐嘅攝影師,班港姐真係壓力山大。



龔慈恩女兒 - 林愷鈴

龔慈恩女兒林愷鈴仍在學中,就讀於聖保羅男女中學,擁有173cm嘅模特兒身材,傳聞連大導杜琪峯都想搵佢拍戲。



Ashley稱自己對藝術、音樂有興趣,自小學習鋼琴、小提琴,聲樂亦已達到8級程度,更有『港版允兒』之稱,已經正式加入影壇。



毛舜筠女兒 - 區令山

毛舜筠的女兒區令山上年已經畢業,不過她好鍾意小朋友,應該就會做老師



22歲的區令山完全遺傳了媽媽的高顏值,看起來更是與媽媽似兩姐妹多過兩母女!



上山詩鈉女兒 - Hilary

21歲嘅Hilary,在美國讀書。跟王菲女兒童童好friend。



藝人上山詩鈉雖已年過半百,不過樣貌身材都保養得甚好,係圈中有名的「美魔女」。女兒Hilary完全遺傳到媽媽的美貌,小時候已經係十足的美人胚子,現時長大後更是散發陣陣仙氣,係公認的「至索星二代」!Hilary與媽媽感情要好,不時孖住出席公開場合,唔少人大讚佢哋似姊妹!



邱淑貞女兒 - 沈月

邱淑貞(豆斗)作為九十年代的性感女神,係唔少男士心目中完美的化身,不過佢自1999年嫁畀時裝公司I.T.老闆沈嘉偉後就淡出幕前。豆斗結婚後替老公誕下三個女兒沈月、沈日及沈晨,其中長女沈月生得亭亭玉立、氣質出眾,皮膚及標致面孔都甚有母親的影子!雖然沈月平日多以淡妝或素顏示人,不過都足以睇到佢係個美人,相信過多幾年後能與母親匹敵!

沈月完全遺傳晒媽媽邱淑貞的仙氣。



湯鎮宗女兒 - 湯洛雯

數到最後,就一定要講埋靚湯!人靚身材正!

 
星二代,明星,父母,明星仔女










鍾意就快D Share啦!
Related Posts Plugin for WordPress, Blogger...