藝人杜汶澤（阿澤）早前畀東網獨家影到趁老婆田蕊妮出埠工作，化身「柴可夫司機」帶一位長髮女返歸開P。兩人當場被撞破時，阿澤表現慌亂，更爆晒粗大罵：「你咪X耷低個頭呀！」期後，阿澤聲稱該長髮女係拍ViuTV節目《走佬去馬拉》嘅化妝師，當時相約幾個朋友一齊上佢屋企開Party。原來阿澤口中呢位化妝師Eeien都好出名，佢經常喺個人社交網晒出性感水着相、肚兜相，就連床照都有，大方展現姣好身材，當中更不乏與阿澤嘅合照，Eeien更留言指視阿澤為偶像，仲大讚對方可愛過陳展鵬好多！
其新聞爆出後，Eeien喺社交網留言：「沒娛又哪有樂」、「酸民寫的還真的有點酸」、「不影響工作就好」 、「如果我知耷低個頭等於有嘢，我肯定死都坐定定」，似乎佢睇得好開喎！隨後，有網民從佢社交網上發現佢有一個拍拖五年嘅男朋友，但Eeien即時澄清與對方已於一個月前分手，並揚言自己單身但並非隨便嘅人：「也許我之前沒公開清楚，也沒把照片刪除，導致媒體和一些網友誤會了我有男朋友／老公，上載了他的照片。我們在一個多月前已經分手，對方已經有了女朋友過著（着）新的生活。所以這段時間我才會一直往外散心。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|