掃呢頁CODE去手機

2019年3月30日 星期六

【娛樂人物】何超儀 娛圈大水魚 __,何超儀,

超儀現在學懂將悲傷藏於心底,面對生離死別也會顯得冷靜,即使要哭,也是回到家才會哭。攝影:Mia Haggi
超儀現在學懂將悲傷藏於心底,面對生離死別也會顯得冷靜,即使要哭,也是回到家才會哭。攝影:MiaHaggi何超儀在娛樂圈闖蕩已經二十多年,超儀日前接受《 ...


何超儀在娛樂圈闖蕩已經二十多年,超儀日前接受《蘋果》專訪,卻自嘲是「國際級水魚」,因為她前年投資拍攝西片時,中間人拿錢後卻玩失蹤,連電影上映也懵然不知,要自行去康城影展參加首映,超儀苦笑道:「成日戥自己唔抵,知邊個搵笨但唔敢出聲。」

撰文︰祖李

相關新聞:台灣落難 冇錢開飯

入行多年的何超儀,日前接受《蘋果》專訪,自嘲自己的水魚程度已達國際級,她卻不言悔,皆因她對電影的熱誠蓋過一切。超儀前年投資西片《How to Talk to Girls at Parties》,有奧斯卡影后妮歌潔曼(Nicole Kidman)主演,又有奧斯卡提名導演John Cameron Mitchell執導,應甚有保證:「呢個劇本係我見過最好,正義、浪漫,又帶點壞。」



超儀前年與老公自己去康城影展,參加她有份投資的西片首映。互聯網圖片 超儀前年與老公自己去康城影展,參加她有份投資的西片首映。互聯網圖片
超儀投資、主演的《維多利亞壹號》,為她贏得首個影后。劇照

超儀投資、主演的《維多利亞壹號》,為她贏得首個影后。劇照
超儀直言真正的朋友,五隻手指可以數得出。攝影:郭賢興

超儀直言真正的朋友,五隻手指可以數得出。攝影:郭賢興

投資西片 中間人失蹤

可惜投資時,卻遇人不淑:「搵我投資嗰個,講到明除咗我,搵唔到其他投資者,但我真係陪佢癲,一架Honda嘅錢箒。加上又係奧斯卡提名導演,又有妮歌潔曼做女主角。佢答應電影上映賺錢後,會還錢,我話想見導演,佢就一直推。總之佢攞咗錢就消失咗,錢點用我唔知,我仲唔係水魚?就連電影上映都冇通知我,係我自己發現去康城(影展首映),我去到有同導演傾幾句,佢根本唔知我都係監製,佢喺紅地毯已經好醉,根本聽唔入耳。」

相關新聞:唔怕老公多女埋身「燒佢頭髮」



雖然超儀懂得分善惡,但因為冷暖自知的山羊座性格,招呼朋友飲食等也覺得無傷大雅︰「我永遠唔會篤穿別人大話,令佢哋難受,但我心知佢乜料,但我已經係高齡女演員,就算垃圾古仔都會聽,會盤算喺最安全情況下,同呢個只有三根釘嘅人合作,冒險畀錢。朋友攞着數唔緊要,我屋大,門打開畀大家玩,不過你千祈唔好喺我屋企睇我啲劇本,因為我隨便放,唔好搶我角色就夠。」



父親何鴻燊是唯一支持超儀入娛圈的人,她坦言父親最了解自己。資料圖片

父親何鴻燊是唯一支持超儀入娛圈的人,她坦言父親最了解自己。資料圖片

朋友套料 「唔好搞我」

超儀自言真正朋友五隻手指數得出,只要是想工作上攞着數的,她會左閃右避︰「有個朋友總會每事問,問我化妝師價錢、點解上到某版面,呢啲商業秘密,我只會講少少,其實我唔鍾意人哋套料,我都唔會問你點解攞到某品牌代言咁你唔好搞我,大家幾閨密都好,唔想牽涉工作。」

超儀日前推出新歌《水魚》,希望用嘻笑怒罵的方式,嘲諷那些當她水魚的人,歌曲原是超儀親自填詞,後來因為過不了監製,改由黃貫中操刀,道盡她的水魚人生。她苦笑道︰「我條命只能帶旺別人,自己就無能為力,我係國際級水魚。成日戥自己唔抵,其實知邊個搵笨但唔敢出聲,黃貫中將境界更上一層樓,直斥其非,西瓜你個蘋果,幫我出口烏氣,錄完首歌,條氣順晒。」

錄製《水魚》是超儀老公陳子聰病癒出院後的事,陳子聰患病時病情反覆,超儀即使要離開丈夫兩小時也感到不安︰「前年我先生入院前已收齊晒啲歌,但我唔放心去錄音,拖咗兩年,全世界冇人敢搵我,先生出院後我突然覺得好悶,腦袋沉澱咗好多嘢,覺得係時候再做音樂。」



超儀與阿梅(左)相識多年,超儀至今仍會與阿梅夢中相會。

超儀與阿梅(左)相識多年,超儀至今仍會與阿梅夢中相會。

阿梅離世 悲傷藏心底

丈夫患病對超儀的情緒管理又一上課,其實她年紀輕輕就經歷張國榮、陳百強與梅艷芳等前輩好友相繼離世,她已學懂要將悲傷藏於心底:「人很渺小、脆弱,只是地球上一粒跳蚤,好運可以行一世,但分分鐘會跌垮,面對生離死別我會冷靜,千祈唔好喊,喊都返屋企先。啱啱入行時,明明有三個免死金牌撐住我,跟住佢哋一齊走咗,嗰吓我都……𠵱家都好迷失,究竟仲有邊個前輩可以過啲料畀我。既然人生無常,不如將自己活得更精采。」

超儀當年與阿梅深交,皆因彼此都怕寂寞,阿梅個唱前,超儀更招呼她到家中親自教游水,阿梅就教超儀扭臀跳媾仔舞。阿梅偶爾仍會出現於超儀夢鄉,每當人生交叉點,只要重溫阿梅的歌、生前的片段,超儀腦袋自然茅塞頓開︰「次次都夢到佢訓示我︰『戴好個耳機接收器未?』」超儀以前常在利舞台看阿梅表演,更好奇阿梅表演前一晚與她蒲完,翌日唱歌依然鏗鏘︰「梅姐好神嘅金句︰『你feel到自己唱咗,做啱晒所有內部肌肉運作就自然有聲。』仲教我出台前要食飽,否則好快捱殘。」

超儀現在自資開公司夾band、拍電影,皆因心知自己位置,要突圍惟有主動出擊︰「收皮香港做女演員,有邊個會請我?得個沙膽嘅超瓊,佢都係幫我一次,之後生與死都靠自己。幸運我未死,𠵱家我發錢寒,因為搞演唱會費用太龐大,可以買架幾百萬嘅McLaren(跑車)。但靚衫、靚車我唔會買,我只會去Zara,因為我要儲錢投資自己事業,4月開騷可以喺靚舞台表演、型!」

化妝︰Ling Chan

髮型︰Bee Lee

場地提供︰Commissary




鍾意就快D Share啦!