掃呢頁CODE去手機

2019年3月22日 星期五

【大媽踎戒唔甩】豪門新抱郭晶晶係咁 國際巨星章子怡都一樣|每日封面 __,章子怡,郭晶晶,

郭晶晶親力親為嘅慳家本色,令老公霍啟剛耳濡目染,成為最貼地豪門公子。之但係老公想改變返晶晶某啲「本色」,就相當有難度喇,特別係強國大媽踎呢個習慣。【貼 ...




郭晶晶親力親為嘅慳家本色,令老公霍啟剛耳濡目染,成為最貼地豪門公子。之但係老公想改變返晶晶某啲「本色」,就相當有難度喇,特別係強國大媽踎呢個習慣。

嗱!晶晶除鞋搲腳呢一幕,再無見過,不過踎呢,就不時上演。佢2006年喺澳門出席東亞運動會嗰陣,已經喺台上踎過俾大家見識。當時未嫁入豪門,理解嘅,但估唔到就算做咗霍家新抱,依然戒唔甩強國大媽踎。2016年《壹》仔就目睹佢踎住同老公、阿仔過family day,仲踎住飲、踎住食。再過兩年,2018年,一家人例牌出埠享受長假期,喺日本玩足十日回港,唔知係咪坐咗幾個鐘機無得踎唔聚財,一步出機場,晶晶同晶媽就齊齊踎低,好彩阿仔無有樣學樣踎埋一份。其實佢哋踎正路中間,途人好難唔望多兩眼,而喺香港生活耐咗嘅晶晶都醒水,立即拉返起阿仔同阿媽。

雖然國歌都有教:「起來,不願做奴隸的人們!」但踎呢舖癮似乎真係深入骨髓,唔係話起來就起得到。章子怡2004年來港生擒霍啟山,第2日去咗「鳩嗚」,一入到鋪頭就踎低,都啱嘅,貴為國際巨星梗係要宣揚「國粹」啦,所以同胞趙薇都唔執輸,一家三口踎得有晒隊形,而楊冪明明有櫈坐,都要戙起對腳擺出踎嘅姿勢。

其實踎並唔係強國人專利,何志平太太胡慧中,都係踎住揀底褲,爽YY咁款。至於型男陳冠希,雖然係ABC,但踎住食煙都似模似樣。套用羅志祥經典名句:「不用分那麼細,因為都是中國人。」


鍾意就快D Share啦!