掃呢頁CODE去手機

2019年3月22日 星期五

林盛斌:幫三位千金撲到BTS飛 Bob大女呆咗喜極而泣 __,Bob,林盛斌,

當紅男團防彈少年團(BTS)前晚(20號)揭開香港站一連四場騷,佢哋真係迷到唔少年齡層嘅歌迷,就好似陸永大女Hannah同埋鄭裕玲(嘟姐)都係粉絲!呢 ...


當紅男團防彈少年團(BTS)前晚(20號)揭開香港站一連四場騷,佢哋真係迷到唔少年齡層嘅歌迷,就好似陸永大女Hannah同埋鄭裕玲(嘟姐)都係粉絲!

呢日藝人林盛斌(Bob)同三位囡囡Facetime講,話佢哋可以去亞博睇BTS演唱會,三個囡囡聽完之後開心到飛起兼尖叫,其中大女林霏兒聽完仲喜極而泣!佢真係唔係扮,連Bob嫂都忍唔住話使唔使咁誇張時,霏兒堅係喊,仲話:「我唔知自己點解會咁。」最後霏兒仲好似未能平復心情,成個人呆咗咁!

Bob呢個驚喜真係相當成功,仲不忘多謝老婆,因為對BTS零認識嘅佢,今次要去陪坐:「我記得嗰陣阿媽畀我去睇王馨平演唱會,我都係咁上下反應!啱啱傾嗰陣我自己都眼濕濕,唔知做乜,癡鬼線!辛苦等陣媽咪陪佢哋喇,因為佢係完全唔識 BTS 啲歌嘅!亦感謝小霖叔叔同Sam哥幫忙,咁遲搵你哋都幫我搞到,代班小朋友多謝你哋!」


來源 source: http://hk.on.cc
鍾意就快D Share啦!