網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年3月13日 星期三

歐聯:C朗中三元 祖雲達斯反勝馬體會入8強 __,C朗,基斯坦奴朗拿度,

周三(13日)凌晨上演歐聯16強次回合焦點賽事,祖雲達斯絕地反擊成功,在首回合落後0比2劣勢下,主場憑C朗拿度連中三元,以3比0大勝而回,兩回合總比數 ...


周三(13日)凌晨上演歐聯16強次回合焦點賽事,祖雲達斯絕地反擊成功,在首回合落後0比2劣勢下,主場憑C朗拿度連中三元,以3比0大勝而回,兩回合總比數以3比2反敗為勝,晉級8強。

祖記今仗排出3箭頭全攻型,C朗、文迪蘇傑及貝拿迪斯治狂轟對手,開賽4分鐘便出現3次攻門及1個詐胡,令馬體會陣腳大亂,C朗展現球王本色,於開賽27分鐘接應貝拿迪斯治左路傳送,伏兵遠柱力壓桑法蘭托里斯頭槌攻門破網,協助斑馬兵團領先1比0,吹起反擊號角。

今仗移上前鋒嘅意大利中場貝拿迪斯治踢出佳作,上半場主射罰球及門前倒掛射門都有功架,配合兩翼不斷傳中製造大量攻門,令馬體會喘不過氣,客隊戰至完半場前才有艾華路莫拉達一次頭槌攻門較似樣,半場祖記領先1比0。

下半場祖記繼續攻勢,49分鐘祖奧簡斯路右路傳中,C朗搶點頭槌攻門雖被馬體會門將奧比歷拍出,但門線技術顯示皮球在拍出前已越過白界,祖雲達斯領先到2比0,總比數追成2比2平手。

祖記領先後略作回氣,於末段再度搶攻,82分先有摩斯堅恩單刀埋門,但佢竟然敗家射失,注定做唔成英雄,最佳男主角拱手讓畀C朗,86分鐘,貝拿迪斯治於禁區內被安祖哥利亞侵犯,球證判罰12碼,C朗操刀一射破網,個人連中三元,祖記大勝3比0,總比數反勝馬體會3比2,殺入8強。

今仗是C朗在歐聯第8次帽子戲法,追平死敵美斯紀錄,亦是對馬體會第4次帽子戲法,嚟到意甲繼續做馬體會剋星。

支持本地運動齊去「睇體」!

https://bit.ly/2DxX4XI 

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!