網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年3月21日 星期四

【《烏卒卒》CD炒至$500】慨嘆兒歌不再受重視 陳松伶:一唱大家都好開心 __,陳松伶,

15歲憑參加葉蒨文模仿大賽入行的陳松伶(松松),89年與黎明拍攝無綫劇《天涯歌女》一炮而紅,由松松主唱的同名大碟更賣到有四白金成績,緊接推出的兒歌《烏 ...


15歲憑參加葉蒨文模仿大賽入行的陳松伶(松松),89年與黎明拍攝無綫劇《天涯歌女》一炮而紅,由松松主唱的同名大碟更賣到有四白金成績,緊接推出的兒歌《烏卒卒》更奠定松松姐姐兒歌天后地位,是不少人的童年回憶。



現年48歲的松松,近年在香港保持「兩年一劇」以便跟觀眾見面,而闊別香港樂壇14年的她,近日更再開金口為其主演的無綫劇集 《福爾摩師奶》唱插曲。日前《蘋果》邀請松松演繹多首經典作品,包括《天涯歌女》、《夜上海》、《相聚一刻》和清唱《烏卒卒》,重唱當年作品,松松歌聲依然鏗鏘悅耳,其中松松獻唱《天涯歌女》時,畫面MV上出現她18歲束起孖辮「卜卜脆」模樣,令人不禁驚嘆一轉眼原來已30年,松松禁不住笑說:「原來童年回憶唔止《烏卒卒》,仲有《天涯歌女》。」



在兒歌《相聚一刻》的MV中,松松一頭短髮,她說:「一唱兒歌就去咗另_一片天空,心中有一個淨土係畀兒歌。」眾多兒歌之中,松松最喜歡《相聚一刻》,她說:「因為係第一首兒歌,好有感覺,再有《夏季Sha La La》,歌詞有西瓜、芒果,好多嘢好開心,最經典係《烏卒卒》一唱就大家都好開心,冇煩腦。」



當年電視台會舉行《兒歌金曲頒獎典禮》,而梅艷芳、郭富城、陳奕迅、楊千嬅等一班天王天后也曾唱過兒歌,可惜時移世易,不單兒歌,甚至兒童節目已不再受重視。身為兒歌天后的松松姐姐深感惋惜說:「而家直情冇兒歌,好可惜,我個年代唱好多兒歌,佢哋都成長做咗爸爸媽媽,會留有一個正能量回憶,一聽番勾起童真火苗,應該需要有兒歌,帶到正面訊息畀小朋友,同埋歌詞好積極,好過兩歲開始唱情歌。」近日松松朋友告之她昔日推出的《烏卒卒》CD竟炒至500港元,完全是松松意料之外。



由兒歌天后少女時代到今日變成中女,松松不經不覺加入演藝圈33年,松松勸勉中女不要放棄,有實力才是重點,她說:「現時拍劇故事唔單止係偶像劇,仲有好多不同層面,需要不同年齡階層嘅人去演,我自己認為每個階段都要強化自己,女性唔係到30幾歲唔使做,又或者怕鏡頭前多幾條皺紋就唔靚,靚唔靚唔止睇樣,係需要用你表情身段去講到個故仔出嚟,講故仔先係演員要做嘅事。」



現實殘酷,可曾擔心過機會被剝削?松松說:「亞洲巿場大家鍾意睇樣,好恐怖就係到50幾歲都被指好少女,我係好唔鍾意呢啲名,我呢個年紀呢個狀態,首先我接受咗自己先,好似惠英紅、Deanie姐(葉德嫻),佢哋都有好多發展空間。」



97年和05年松松曾為張學友音樂劇《雪狼湖》新加坡站和巡迴演出擔任女主角,去年松松再有機會踏上舞台,擔任百老匯音樂劇《媽媽咪呀!》(Mamma Mia!)中文版女主角,松松表示通過面試等候兩年獲選,能完成兒時夢想感到最幸福。雖然被取錄,但松松表示音樂劇相當嚴謹,不達標的話隨時會被易角,所以自己要時刻保持作戰狀態。稍後松松會隨劇團巡迴演出,所以一直進行聲樂及體能訓練,令松松真正體會到做舞台劇演員比做演員更高難度。松松表示,接受劇團訓練令老公張鐸感到高興,松松說:「先生話我執到,最初佢都覺得辛苦,雖然係我夢想熱誠,後來見到唔需要威逼利誘我都會去做體能訓練,令到身體可以年輕強化,佢都好開心。」



松松在11年與年輕8載的大陸男演員張鐸結婚,多年來二人恩愛如昔,丈夫平日擔當情人知己,是松松最好的傾訴對象,松松並大方分享相處之道:「唔經唔覺認識至今12年,最主要坦誠,我哋冇秘密,佢嘅密碼我都知,好少嗌交,基本上嗌大交加埋冇5次,通常似兩個老師講道理,我哋脾氣都唔火爆,亦唔鍾意浪費時間,最多語氣唔好,唔會折磨大家,偏向盡快解決事情。」平日夫妻工作相隔兩地,為免有相思之苦,結婚時已有所協議:「盡量唔超過兩星期唔見面,有時佢得1日都會嚟香港,我有時得3日都會上北京、上海探佢,時間放喺交通上,見個面只得12小時,但都值得,真正見面同手機見唔一樣,等雙方感受到真係有個人存在,唔係結婚嚟做咩。」



48歲的松松保養得宜,但她堅拒做美魔女,雖則崇尚自然老去感覺,但日常護膚方面並不偷懶,坦承有借助科技做過緊緻護膚,其餘着重在護理方面:「自然地老去好正常,我又唔諗要做啲咩,身體健康最緊要,我都好着重食療,成日煲湯同老公一齊飲。」唔講唔知,原來松松近日與老公張鐸齊齊箍牙,認真貪靚。



採訪:卓寶花

攝影:沈健程

攝錄片段:廖達燊

場地提供:CEO Neway @ MegaBox



《蘋果動新聞》訂閱新世代,4月開始免費訂閱,現在接受登記!

http://bit.ly/2Ja3IXw



全港打工仔特約:Lun廚動腦Q

加開1:30pm

3月11至22日

星期一至五1:30pm 10:30pm

http://bit.ly/2IZA8Ef





 松松在卡拉OK唱《天涯歌女》 (攝影:沈健程) 松松在卡拉OK唱《天涯歌女》 (攝影:沈健程)
 松松認為兒歌可保小朋友童真。

松松認為兒歌可保小朋友童真。
松松聲音依然動聽。

松松聲音依然動聽。
 邊唱邊回味昔日開心往事。

邊唱邊回味昔日開心往事。
看見當年自己孖辮模樣,松松驚覺時光飛逝。

看見當年自己孖辮模樣,松松驚覺時光飛逝。
 48歲松松認為中女也要自強。

48歲松松認為中女也要自強。
當年松松姐姐已成中女,但仍保養得宜。 (攝影:沈健程)

當年松松姐姐已成中女,但仍保養得宜。 (攝影:沈健程)
 松松近日演出音樂劇《媽媽咪呀!》。

松松近日演出音樂劇《媽媽咪呀!》。
 松松認為沒兒歌太可惜。(攝影:沈健程)

松松認為沒兒歌太可惜。(攝影:沈健程)
松松與黎明拍《天涯歌女》走紅。(無綫劇照)

松松與黎明拍《天涯歌女》走紅。(無綫劇照)
與黎耀祥和何寶生拍《水餃皇后》。(無綫劇照)

與黎耀祥和何寶生拍《水餃皇后》。(無綫劇照)
94年與鄭伊健拍《婚姻物語》。(電視圖片)

94年與鄭伊健拍《婚姻物語》。(電視圖片)
 年青時松松愛以短髮示人。 (資料圖片)

年青時松松愛以短髮示人。 (資料圖片)
00年與歐陽震華拍《金裝四大才子》(資料圖片)

00年與歐陽震華拍《金裝四大才子》(資料圖片)
松松姐姐曾以性感一面示人。(資料圖片)

松松姐姐曾以性感一面示人。(資料圖片)
松松姐姐曾玩蛇拍專訪照。(資料圖片)

松松姐姐曾玩蛇拍專訪照。(資料圖片)
松松曾與張學友在外地演出舞台劇《雪狼湖》。(資料圖片)

松松曾與張學友在外地演出舞台劇《雪狼湖》。(資料圖片)
松松曾經憑《烏卒卒》奪兒歌金曲。(電視圖片)

松松曾經憑《烏卒卒》奪兒歌金曲。(電視圖片)
松松近日為無綫主演的《福爾摩師奶》。(無綫劇照)

松松近日為無綫主演的《福爾摩師奶》。(無綫劇照)
松松在新劇中反串演出。(無綫劇照)

松松在新劇中反串演出。(無綫劇照)

鍾意就快D Share啦!