掃呢頁CODE去手機

2019年3月28日 星期四

英超Fever:蘇斯克查撐本土!曼聯押注英兵3條煙 __,曼聯,

隨住蘇斯克查同曼聯簽長約嘅大日子逼近,下季嘅組軍方案又有新消息傳出,據英國《每日鏡報》、《太陽報》等傳媒報道,蘇斯克查計劃將曼聯「本土化」,希望效法佢 ...


隨住蘇斯克查同曼聯簽長約嘅大日子逼近,下季嘅組軍方案又有新消息傳出,據英國《每日鏡報》、《太陽報》等傳媒報道,蘇斯克查計劃將曼聯「本土化」,希望效法佢當年踢曼聯嗰陣,以碧咸為首嘅本土骨幹模式,所以夏天準備豪購查頓辛祖、雲比沙卡同迪格蘭賴斯3大英格蘭國家隊新星!

報道指蘇斯克查同行政總裁伍德沃德商討後,認為「本土化」係曼聯未來應該走嘅方向,當年蘇斯克查同碧咸、尼維利兄弟、史高斯、畢特等英格蘭幫合作無間,而且預計喺英國脫歐等因素下,英超未來會大大收緊外籍球員限額,加上英格蘭青訓人才輩出,都係令蘇斯克查有意本土化嘅原因。

右閘、防中同翼鋒係曼聯希望重點加強嘅位置,效力多蒙特嘅查頓辛祖本來已經係曼聯嘅頭號目標,預算轉會費要8,000萬鎊;水晶宮右閘雲比沙卡以及韋斯咸中場迪格蘭賴斯,各自轉會費估計都達到4,000萬鎊,但以「紅魔鬼」嘅財力絕對負擔得到。

曼聯目前已經有拉舒福特、連格、艾舒利楊格、基斯史摩寧、勞基梳爾同菲爾鍾斯6位英格蘭國腳,進一步本土化之後,勢必成為英格蘭國家隊第一大勢力。

東網體育FB同你追實體壇每個精彩時刻!

http://bit.ly/2ecTF2A 

支持本地運動員,一齊去「睇體」!

https://bit.ly/2DxX4XI 


來源 source: http://hk.on.cc
鍾意就快D Share啦!