掃呢頁CODE去手機

2019年3月1日 星期五

【Mirror靚仔成員 Frankie係佢阿哥】細龍太陳偉琪現實係高人 教香香彈豎琴 __,岑麗香,陳偉琪,香香,

喺處境劇《開心速遞》演「細龍太」入晒屋嘅陳偉琪,佢嘅強項,除咗擁有咪霸身材,仲有其他本事係你估唔到。【細龍太曾是170磅肥婆】陳偉琪露腩掃貨演細龍太入 ...




喺處境劇《開心速遞》演「細龍太」入晒屋嘅陳偉琪,佢嘅強項,除咗擁有咪霸身材,仲有其他本事係你估唔到。

首先青靚白淨嘅Mirror成員,即僅次姜濤靚仔嘅Frankie Chan,原來係陳偉琪嘅堂兄。兩兄妹style都好唔同,依家仲係打對台工作。

講番佢出道,陳偉琪係11年溫哥華嘅華姐亞軍,13年嚟香港選港姐,當時仲傳出佢有一位「神秘契爺」幫佢拉票,不過最後都係落選。同屆三甲係陳凱琳、蔡思貝同劉佩玥。

自小佢喺父母栽培下,成為依家豎琴同鋼琴嘅八級高手。前幾年香香(岑麗香)喺《溏心3》,飾演彈豎琴嘅女仔,原本一曉不通嘅佢,就俾搵陳偉琪上速成班,先可以對住鏡頭彈得有板有眼。

屬於好波之人嘅陳偉琪,對球類活動亦好有天份。排球打得叻,籃球一樣出色。入行後佢同《送水輝》許家傑、鄧穎芝等人組成男女藝人籃球隊「Hero」出賽。近年仲考埋健身教練牌,專演水性揚花角色嘅佢,查實動靜皆宜,推翻波大冇腦嘅定理。


鍾意就快D Share啦!