掃呢頁CODE去手機

2019年3月8日 星期五

【愛子般的OK仔離世4年】彭健新與妻相依相靠 孖公仔買餸煮飯仔 __,彭健新,

講起彭健新,大家首先諗起咩?話唔定OK仔呢個答案,仲多過溫拿。無計啦,以前彭健新無論去邊都會帶埋愛犬OK仔,連工作上節目都唔例外,例如OK仔連《美女廚 ...




講起彭健新,大家首先諗起咩?話唔定OK仔呢個答案,仲多過溫拿。無計啦,以前彭健新無論去邊都會帶埋愛犬OK仔,連工作上節目都唔例外,例如OK仔連《美女廚房》都上過呀!有兩大美女楊恭如、廖碧兒煮畀佢食都唔吼,相當好笑。難怪有段時間,啲人講笑話其實啲節目主要係請OK仔,彭健新只係附帶嘉賓。有啲人仲搞笑,甚至會叫錯彭健新做OK仔。

不過,OK仔已經離開咗差唔多4年喇!無OK仔陪伴嘅呢段日子,好彩仲有老婆做伴,不時孖公仔外出過二人世界,有時又會好似呢日咁一齊去買餸當拍拖,然後兩公婆返屋企匿埋玩煮飯仔。見佢兩公婆各自拎住袋餸現身,望真啲,兩大袋都係菜,食得咁健康,難怪兩公婆手腳都咁纖幼啦。之後佢哋入咗間相熟餐廳,吹咗陣水,出嚟之後老婆手上多咗盒疑似外賣,斷估都係斬料加餸。兩口子嚟計,食得幾豐富喎。


鍾意就快D Share啦!