掃呢頁CODE去手機

2019年4月3日 星期三

【11年後再到日本拍MV】洪卓立摸黑去《千與千尋》場景 上雪山狂挖雪 __,洪卓立,

洪卓立早前為新歌《數寄屋橋次郎》拍攝MV,公司相當揼本,拉大隊飛去日本山形縣,立立話上次去日本拍MV,已經係11年前,嗰時仲係第一首派台歌《愛無膽》。 ...




洪卓立早前為新歌《數寄屋橋次郎》拍攝MV,公司相當揼本,拉大隊飛去日本山形縣,立立話上次去日本拍MV,已經係11年前,嗰時仲係第一首派台歌《愛無膽》。而攝製隊搵咗電影《千與千尋》入面個銀山溫泉做場景,不過就差啲嚇親立立,「一落車要行一段又黑又冇街燈嘅路。」不過嚇完之後就開心返晒,「點知一去到見到啲街同建築物,就覺得好似穿越咗去第二個世界。」

除咗去銀山溫泉,仲要上雪山,「導演組就搵咗個雪山俾我,我諗呢個雪山係我出道十二年,拍攝最凍嘅地方!」大風不特止,仲搞到立立對鞋入晒雪,要不停挖返啲雪出嚟,睇到都覺得凍。

其實今次新歌《數寄屋橋次郎》,係以日本「數寄屋橋次郎」壽司店為背景嘅愛情故事,所以就順理成章飛去日本拍MV喇。


鍾意就快D Share啦!